何依婷做新手妈咪　面对爱囡日渐长大感兴奋：同佢讲嘢佢会有反应 | 香港01

何依婷（Regina） 前年年底无预警闪婚，与富二代男友Cedric在峇里岛举行婚礼，正式成为人妻，去年12月宣布怀孕喜讯后亦减产拍剧专心养胎。今年5月中何依婷在社交平台宣布囡囡顺利出世，获不少网民送上祝福。

何依婷今日（22/9）现身铜锣湾医疗中心拍摄广告。作为新手妈妈，何依婷受访时表示：“其实而家睇住BB一路咁大，佢开始学识笑，同埋会识交流，每次同佢讲嘢佢都会有反应，例如同佢讲一句‘BB你觉得自己靓唔靓呀？’佢就会吖一声。本身我係独生女，惯咗自己一个人独处，变咗而且屋企有个人同我倾偈，会有一种好热闹啲感觉喺度。咁所以每次同佢倾偈，佢係会笑，係会令到我个心容化咗，嗰种感觉係好甜美。”