【On.cc】陳山聰拍戲還心願　一見Bob就忍唔到笑

視帝陳山聰山聰、梁競徽及Bob（林盛斌）合作拍攝的電影《媽媽又要嫁》（前名《媽的又要嫁！》已告殺青，台前幕後大感依依不捨，尤其山聰感慨多謝馬來西亞粉絲的沿途支持，不但買飲料宴請團隊，日前更細心為他預祝生日，山聰承諾「電影上映時再見」。Bob則於社交平台上載「腳相」並留言：「終於last day拍攝，有啲唔捨得，但係又好掛住香港啲屋企人同朋友。最後衝刺嘞，最後幾場戲！」當有網民指他終於可以休息吓，Bob即搞笑回道：「其實我好鍾意拍戲㗎！」他又指拍攝期間吃了一碟「非常恐怖的福建麵」，搞到日後也不敢再食這種麵，着大家入戲院欣賞這場「重頭戲」。

陳山聰表示能夠與Bob及梁競徽合作總算還了心願。

一見Bob就忍唔到笑

據悉，《媽》片前後趕工18日即完成所有拍攝，可謂快靚正。台前幕後正式散Band前舉行了一場煞科宴，齊齊食餐飽道別。席間山聰感觸表示，能夠與Bob及梁競徽合作總算還了心願，又笑言今次最大挑戰來自前者：「因為一見到Bob就忍唔到笑。」身為女主角的伍詠薇也接口說：「就算Bob唔開聲，全場都可以笑到飆淚。」梁競徽則透露由於電影核心講述親情，片中很多場口都很令人動容，又「爆料」說：「Bob都好少演繹感情戲，佢認真起嚟都觸動都現場每一個人。」

合作愉快。

梁競徽大感不捨。

Bob演繹感情戲，觸動現場每一個人。

台前幕後工作人員大合照留念。

伍詠薇（右二）指就算Bob唔開聲，全場都可以笑到喊。