【娛聞】將陳嘉佳由藝人轉成生意人 王祖藍謙稱帶貨要請教對方

.

王祖藍昨日擔任港台節目嘉賓，分享他在過去十年在內地帶貨、吃喝玩樂及媒體工作的見聞。

王祖藍受訪時被問到帶貨最勁的戰績，他笑言最成功是帶了「細細粒」陳嘉佳去做帶貨，將對方由藝人轉成生意人：「細細粒現在帶貨勁過我，佢做一場牛扒都賣500萬，我都要請教佢呢個帶貨專家，佢現在比我有錢。」除了帶貨外，祖藍還進軍飲食界，他透露年底將會在內地的連鎖超市內售賣自家品牌曲奇，香港亦將會售賣，其妻李亞男負責設計曲奇餅罐。

提到他的妹妹早前出嫁，祖藍笑言當日好感動，喊到死：「因為長兄為父，好似對爸爸有個交待，完成一個心頭大事，以後唔到我煩，卸咗個膊畀妹夫。（送什麼嫁妝畀妹妹？）送咗一首歌《放心》，至於金器喺相中已經見到晒，（有冇送樓？）都差唔多，佢咁大個，自己搞掂喇。」

另外，提到他獲汪明荃（阿姐）提名角逐「香港藝術發展局」新一屆委員，並成為「電影藝術」範疇唯一候選人，預料會自動當選。王祖藍笑言是自己主動去求阿姐做提名人，阿姐知道他想參選即話一定支持，所以他很多謝阿姐。祖藍又指參選是希望貢獻少少力量幫助業界，因見到很多幕後人員無工開。