【On.cc】李金凱親揭點樣親筆簽名　一招打字直頭唔睇鍵盤

《中年好聲音3》李金凱由家鄉雲南來港發展，因10歲時觸碰5千伏高壓電致失去雙臂，永久傷殘，不過佢人殘志堅，唱得兩嘴嘅佢更試過直播gamer，令大家非常好奇佢平時生活如何自理。儲落大批粉絲嘅佢，今次就自揭點樣親筆簽名及鍵盤打字秘技，令人大開眼界。

李金凱表示唔少人都誤以為佢啲簽名係搵人代簽，但其實係有特別方法：「哈哈，我擔心家人們以為我的簽名是別人代簽的，所以要跟大家證明一下，但是簽字的時候會流口水哈哈哈。」影片中見到佢用口咬筆，筆頭包住紙巾，佢金口一揮就喺海報上寫上「金凱」二字，字體剛勁有力，又示範喺彎曲嘅汽水罐上簽名，確係厲害，網民都大讚個簽名好靚。

李金凱10歲時已失去雙臂，永久傷殘。

早前佢介紹過自己間豪宅。

今次拍片澄清佢真係親筆簽名。

原來係用口咬筆。

又簽得幾有Feel。

連汽水上面簽都no problem。

佢另一秘技就用鍵盤打機、打字，見佢將鍵盤放地下，將腳趾屈曲起並以極快速度來打字，完全唔使望鍵盤，明顯熟能生巧，佢表示：「你們都說我很努力，但是，總會有人比我更努力，我從來不知道未來的果會如何，但是起碼要對得起自己咯，回首過往才可以少留遺憾。 熬夜」大家終於都可以知道李金凱鮮為人知嘅一面。

打字就用腳趾。

李金凱直頭唔使望鍵盤。

成果出爐！