無綫藝人曾展望因戀綜節目《女神配對計劃》人氣急升，日前接受東網專訪時，他不諱言因「大男人」而報名參加，不甘看見其他男仔追女神葉蒨文。被網民封為「最靚仔道士」的他，不用作法祈求，誓憑真誠打動女神芳心，但說到幫女仔作法轉運，他即說：「有幾出奇呀？」

藝人曾展望（GM）在近期話題多多的無綫戀綜《女神配對計劃》中，力追女神葉蒨文（Sophie）而人氣急升，跟另外一對CP羅毓儀與林俊其一樣，多次被拍得「私會」，已被認定為一對。前日社交網又瘋傳兩人在溜冰場拖手的照片，相中Sophie身穿白色喱士短裙，走在前面拖着男方，似乎教緊GM溜冰，雖然Sophie回覆時表示只是拍節目，但兩人「戲內戲外」一樣甜蜜滿瀉。

GM日前接受專訪時透露有4次拍拖經驗，惟上一段戀愛受到情傷，令他不敢再愛，今次參加節目也要鼓起很大勇氣，直言因Sophie才報名：「同佢識咗幾年，嗰陣佢有男朋友，之後拍《愛．回家之開心速遞》做CP，但唔想咁複雜影響工作。直到見到有呢個節目就交報名表，其實係因為自己大男人，唔想睇節目見到其他男仔追佢，咪自己上節目追佢囉！」

自誇百分百合拍

說到追Sophie的撒手鐧，他覺得要打動人，真誠好重要，直言喜歡對方的性格及魅力，大讚為人幽默、搞笑、細心及溫柔，既似大姐姐又似小妹妹。他表示兩人透過節目加深認識，去完Camp發覺大家想法近似，更揚言未找到大家不夾的地方，認真冤氣。

GM入行前任職會計師，後來放棄高薪厚職加入娛樂圈，曾因收入不穩萌去意，故不諱言一直有兼職，更考取七品道士認可資格。他於20歲時突然到內地道教發源地江西的龍虎山考獲道士資格，現在仍不時穿上道袍參與祭祀及祈福儀式。GM對道教感興趣，全因當年讀大學時，有朋友遇到鬼怪纏身，於是他陪朋友找師傅化解，認識師傅後被道教的宗旨及人生觀吸引，繼而成為道士，希望宣揚道教的「心靈雞湯」。

他慶幸沒遇過靈異事件，但之前在方力申主持的節目《鬼上你架車》中，直言對「轉運」深信不疑，連丁子朗亦領教過，讚他堅有料到！節目中丁子朗說：「我之前肚痛，佢幫我畫咗（作法）幾下，真係冇事，佢真係堅㗎！」在旁的方力申說：「咁如果有女仔話M痛，你又幫佢畫？」GM說：「如果係個女生要求係可以，但我唔會主動要求做呢樣嘢，如果佢覺得OK咪幫佢囉！」方力申再好奇追問：「咁如果個女仔話『我運氣唔好，你幫我轉轉運』呢？」GM認真說：「呢樣嘢係真㗎！其實有幾出奇呀！但唔會個個咁做囉！」