爆姜卓文背住關嘉敏 偷嗒擁50萬粉絲「股惑網紅」CoCo
.
入行9年的關嘉敏(Carman),去年因扮譚輝智唱〈屈到輝智病了〉,而人氣急升。近日,Carman獲安排參與戀愛真人騷《女神配對計劃》,在節目中,她率直爽朗的個性展露無遺,結果令網民一致推舉她為「真女神」。
「真女神」Carman愛得坦率,對星二代的「求愛勇者」姜卓文(細John)表明嗒糖,早前還趁他30歲生日,不僅送上蛋糕,還主動獻吻。不過,《東周刊》卻發現,細John竟然背住Carman,偷嗒網紅CoCo。這位網紅絕不簡單,她早前因在旺角街頭拍露股誘惑的寫真,而引起網上熱議;另外,她的社交平台粉絲更超過50萬位,是無數宅男的「女神」。將兩位女神Carman和CoCo冧到神魂顛倒,細John堪稱「女神殺手」!
單身3年 關嘉敏擺明冧細John
8月24日將踏入30歲、已單身了3年的關嘉敏(Carman),在《女神配對計劃》中表現主動,於甄選環節中,她一見星二代的「求愛勇者」姜卓文(細John)登場,即嗒晒糖。
眾所皆知,細John是圈中模範夫妻姜大衛(John哥)和李琳琳的孻仔,不僅高大俊朗,又說得一口流利英文,還擅長rap、烹飪、唱歌等,條件優厚。個性坦率的Carman,馬上搶住按燈表示有興趣:「我覺得你好吸引,希望你可以揀我啦!」搞到原先鍾情李芷晴的細John,毅然決定轉軚。
雖然細John初時領先,但年薪過200萬元的i-banker情敵黃家俊(Matthew)後勁凌厲, Matthew不單止跟關嘉敏啱傾,還順利冧掂她的愛犬Two Two,令她對男方讚不絕口:「Matthew好勁呀,要留住Two Two好難,仲要停留兩分幾鐘喎,有愛心,唔會差得去邊。」此外,在「心意配對遊戲」中,Matthew再次勝出,可以與女神單獨過夜。
關嘉敏送上蛋糕 獻吻祝賀
然而,Carman仍心繫細John,還出招冧爆他!7月中生日的細John,獲得Carman送上蛋糕及獻吻祝賀,更當眾講:「多謝老爺!」愛慕之情,盡在不言中。事後,她甜絲絲地解釋︰「當日,我哋喺party room拍嘢,佢哋(節目組)特登啦,叫我俾個birthday kiss佢。(點解講多謝老爺?)多謝John哥生咗細John,然後我認識咗佢,可以同佢慶祝生日。」她又順道大讚姜大衛演技是「影帝級」,並期望將來有機會合作。此外,她又表示若然見到姜大衛,一定會向他叫「老爺」,行埋「老爺」政策。
現年30歲的細John,來自演藝世家,爺嫲嚴化和紅薇、父母姜大衛和李琳琳、伯父秦沛、叔父爾冬陞、姐夫曹永廉、堂兄姐姜文杰和姜麗文都是圈中人。在加拿大出生的他,之後隨雙親回流返港,中一至中三於本地的中學就讀,跟着轉讀國際學校,然後負笈美國修讀設計系。
早前,細John自爆回港讀初中時,因中文不好而被同學排擠。後來有同學突然示好,並相約在家中聚會,但竟然演變成同性的性騷擾事件。他憶說:「佢嗰時寸我X唔到旗,然後叫我:『你打俾我睇吖!你睇吓,我得㗎!』跟住佢就喺我面前打X機,咁已經係一個變態行為。咁佢問我:『你得唔得呀?』跟住,我就除褲,坐喺電腦前,結果佢影咗我相。第二日返學就唔同晒啦,佢send晒出去啊,呢啲先叫丟臉呀嘛!」事後,他又留言:「站起來對抗欺凌。」此舉獲得網民大讚勇敢!
細John揸網約車揾外快
2019年,細John參加ViuTV的《全民造星II》,可惜在48強止步;接着,他過檔無綫拍攝劇集《青春不要臉》,跟着轉戰影壇參與電影《梅艷芳》、《臨時劫案》等。據悉,在這段電影業的「冰河時期」,他由於不想向父母攤大手板,故只好靠揸Uber來維持生計。
至於感情方面,細John曾透露︰「我認真拍拖拍過3次。試過比較內向、外向,亦試過一啲比較沉穩,我本身鍾意外向同識講英文,好知自己想點同有才華,仲要好聰明。」而他每次拍拖,都表現得很認真,更會帶女友見家長。
2018年,細John被拍得帶同「巨咪」女友,跟媽媽李琳琳於中環的一間高級西餐廳午膳。現埸可見,他的女友外表清秀,還擁有一把長髮,以及令人不禁行注目禮的「big爆」上圍。席間,母子話題不絕,而「巨咪」女友則乖巧地坐定定聆聽。可惜,細John當時才23歲,剛準備入行,事業正值起步,戀情不久便無疾而終。
4年後,細John又被發現情傾舞蹈員「ms.chillsea(CC)」,而女友還快速地融入姜家之中。隨後,兩人慢慢地將戀情浮面,不單止一同旅遊「放閃」,又共同開設網店,主打韓國品牌男裝及Unisex(無性別)服飾代購,兩人還充當「生招牌」拍住上搵銀。
細John參加《女神》同CoCo吵大鑊
去年,細John和女友CC更結伴現身香港電影金像獎頒獎禮,見證姜大衛榮膺「最佳男配角」;緊接着,他又上載與女友的婚照相,疑似求婚成功,搞到外間以為姜大衛攞獎兼娶新抱雙喜臨門。不過,細John隨即解釋只是拍宣傳照。至今年初,他透露已經甩拖:「可能我哋嘅生活及價值觀唔同,佢係個好女仔,但大家性格不合。我着重性格多於外表,大家合拍先最重要。」
關於第3段情,密友透露,細John於5年前透過社交平台與網紅CoCo成功聯繫上。因為兩人皆在加拿大生活過,所以同聲同氣,兼有談不盡的話題。初時,CoCo身在加拿大,即使來港,又未能夾到時間,所以兩人多年來都只是靠視像互相了解。直至今年2月,CoCo來港影寫真集,細John扭盡六壬,終於將女方追到手。
拍拖期間,細John一盡地主之誼,帶CoCo周圍吃喝玩樂;不過,靠揸Uber賺錢的他,收入不高,所以消費都是AA制。密友表示:「細John好鍾意呢啲開心又主動型嘅女仔,佢哋拍拖呢半年間,可以買到一折機票嘅CoCo,飛咗過嚟香港3次。不過,CoCo兩個禮拜前知道細John參加《女神配對計劃》,大發雷霆,鬧咗場大交,𠵱家處於半分手狀態。」姜大衛曾讚細John:「佢應該得到我嘅遺傳,就係專一。」可是,基因有時都會突變的。