羅毓儀林俊其被捕獲街頭拖手 當事人獨家回應

.

羅毓儀自參加《女神配對計劃》後人氣急升，節目中她與林俊其（Kris）的互動引起網民關注，在上集兩人選中玩Sit Up，羅毓儀負責扶着林俊其的腿，當她為林俊其數次數時，更以咬耳仔方式在對方耳邊數，簡直糖份爆燈！

日前有網民指在旺角街頭捕獲羅毓儀和林俊其，更拍到二人拖手行街，不過只得他們背影照，未知是否是他們。但有網民「偵探」上身，指圖中女子所穿的鞋和袋，也在羅毓儀的舊照見過，即引起網上熱烈討論。

羅毓儀接受tvb.com獨家回應親認相中是二人，並聲稱表示：「我尋日開工開咗好多個鐘，咁啱Kris都有返公司，所以收工後就出咗去食飯，同埋自從camping後，我哋私下都有見面，因為節目組都講過完咗camping可以私下約會了解。」

對於他們被拍得拖手行街，她回應表示：「我哋嗰個位要過馬路，Kris就好有風度拉住我過，佢平時都好take care我，但過完佢就冇特別放手，我又唔知點好，但過咗陣，佢就同我講sorry然後放開咗，我諗佢可能都怕我介意，因為始終我哋又未一齊。」