资深武术指导唐佳与爱妻雪妮相继离世，今（7月14日）于红磡世界殡仪馆设灵。不少圈中艺人、亲朋好友亦有到场送别这对模范夫妻。 汪明荃（阿姐）和老公罗家英（家英哥）一同接受访问，阿姐表示曾和雪妮合作《我的野蛮奶奶》：「最唔舍得就系，同渠哋喺公司成日见面，一齐玩。」家英哥续说：「倾偈呀，渠哋真系一双一对。」被问到上一次见面的回忆，家英哥和阿姐均表示已很久没见佳哥和雪妮姐，家英哥称都有年几两年，「与佳哥曾在《金玉满堂》中合作，渠嗰时已经冇做武术指导，佢做武指慨时候我都转行，但系呢，渠系做大戏出身。我大概6岁左右，喺高升戏院睇住渠同刘家良一齐做龙虎武师。」 家英哥也赞扬佳哥「长情」，每年八和特别节日中，也会带队与一班龙虎武师表演。 「佳哥系一个好有德行慨人。渠哋夫妻恩恩爱爱，而家一齐回归天国。我都觉得系唔好慨事里面都系好事。祝渠哋早登天国，一双一对，永结同心。」 有记者问及家英哥的身体状况，他回答说：「我相当之好，大家唔使担心，我起码仲有8，9年，10年8年，有排挨呀！不过我哋会做少啲嘢。」然后家英哥望向一旁的阿姐：「一齐去旅行好冇啊？」阿姐回答：「好。」有记者言：「阿姐，家英哥话你和蔼咗好多。」家英哥：「系呀！系咪和蔼咗啲啊？唔好『掘』住我闹我啦。」