【試車快拍-Mercedes-AMG GLC 43】

有好一段時間試車聽唔到引擎聲，今次試車一踩油門聽到引擎聲，感覺份外興奮！

講緊係剛到港嘅AMG GLC 43，而且係真正AMG，並非只係加上AMG包圍及裝飾，而係「One Man One Engine」製作，無論引擎、波箱、懸排、後軸轉向、煞車甚至輪胎，完全唔同普通嘅GLC，而係更接近頂級嘅GLC 63 E Performance。

新版GLC 43配備同GLC 63一樣嘅2.0公升編號M139l引擎，再透過兩個小型電動摩打，一個驅動渦輪增壓器，減少渦輪滯，另一個係皮帶驅動起動/發電機，可在低速時提供額外14匹增壓動力，令引擎動力可提升至421匹，峰值扭力就有500Nm。

性能數字算係幾可觀，實際操控又如何？如果要有跑味的話，就要揀Sport或者Sport+駕駛模式，尤其係選用Sport+，就好似叫醒咗AMG SPEEDSHIFT MCT 9G 波箱、AMG RIDE CONTROL 懸掛系統及自動感應可調式避震器，成架車反應都變得激進咗，駕駛感覺過癮之處，絕對係一味得個快嘅電動車無法提供。

講到引擎聲，新車仲有AMG Real Performance Sound，廠方話可以提供更具感情嘅引擎聲音，模式分為BALANCED和POWERFUL兩種。Well，又的確係幾癮嘅，不過我就覺得加咗boosting嘅引擎呼吸音效，就有少少味精成份，偶然玩下算係OK嘅。