陈展鹏赞张智霖适合新剧角色　袁伟豪收藏靓嘢上报老婆

.

艺人陈展鹏与袁伟豪（Ben）昨晚（15日）在启德演出，展鹏表演舞狮，自言是龙虎武师：“无线好多撒手锏，唔可以失礼，今次系我第一次舞狮，都练咗几次、原本以为好易，原来一啲都唔易，个狮头好重。”至于Ben与谭俊彦合作，以结他上阵自弹自唱，Ben更出动私伙结他，问到该结他是否价值不菲？他避而不谈：“唔好讲价钱，我上报咗（畀太太），系几年前喺网上买，系二手嘅中古结他，算系一个情意结，因为读书嘅时间冇能力买，后来见到网上有，价钱又相宜，依家屋企收藏咗10支、8支结他。（仲收藏咗咩？）车同手表，有啲唔方便公开，但全部有上报。”他透露两人早几天一齐练习了数小时，自己亦有私下练习，今日踩台时也练习了近10次，准备十足。早前在广州开骚的他被问到会否想在启德开演唱会？他称有机会当然想：“但要时间储歌、储技术同粉丝，一日仲健在就有机会。（依家勤写歌？）都要写多啲歌交畀公司，近几年都系一年一首歌，其他时间要照顾小朋友，不过佢依家19个月大，就唔使太担心。”

已有一女的展鹏闻言谓怀念女儿小时候的时光，笑言也想再多生一个。提到有传无綫剧集《璀璨之城》原属意由他演出，但最后改为张智霖担男主角，展鹏表示不知情，没有人接触他，笑指自己只是龙虎武师，又指张智霖非常合适该剧：“系咪喺澳门取景嗰套？咁Chilam（张智霖）啱啲，因为佢系初哥哥，当年套剧都喺澳门拍，我哋都好怀念佢演嘅《冲上云霄》同初哥哥，可以请到佢演出同公司有大制作，都好开心。”

《中年好声音3》冠军黄博跟师兄罗启豪合唱及独唱，她透露今次是获奖后首个演出，由于是第二次在同一场馆演出，加上不是比赛，心情为轻松，问到是否已排满工作？她说：“听讲已经有啲，大家可以期待一下。”提到她已报名参加《歌手2025》，黄博解释该比赛之前在社交网公开招募：“我喺网上平台报名同放咗段片，跟住Tag咗个节目名，我知好多歌手报名，希望可以通过，依家都只系等消息中。今次我系以个人名义报，有通知公司。（怕唔怕比赛时间同公司工作有冲突？）到时再算，唔系一定可以上到，只系有咁嘅期待。”

无綫花旦姚子羚早前传与徐少强和雪梨的儿子徐伟栋发展姊弟恋，2人被拍饮茶后更孖实返回女方的香闺，子羚现身活动时，被赞春风满面，她表示因为可以在启德新场馆献唱，感觉犀利，问她可有取“家属票”给徐伟栋到场欣赏？她指对方没有问她索取门票，自己亦要专注准备演出，问到是否与徐伟栋拍拖时，她指大家了解中，会一齐食饭见面，又大赞对方：“佢几好，伟栋系好好嘅男仔，比较单纯，大家都锺意电影，我哋会倾电影同音乐。（有冇倾吓将来？）我倾我嘅将来，佢讲佢嘅将来。（同步到？）大家倾得埋先可以做到朋友。”她透露两人因合作《状王之王》而认识，至于“倾偈”多长时间？她笑言拍剧时已有倾偈。

讲到徐伟栋对她赞不绝口，赞她是好女生，子羚全盘接受：“多谢佢，咁我的确系好女仔。（佢话谂办法追你？）叫佢谂吓啦。（点先可以追到你？）我哋有共同兴趣，已经倾到偈，其实我搵得佢最多系影相，佢影相好叻，我成日叫佢唔好浪费呢个天赋，要畀多啲人知道，我社交平台有啲相都系由佢操刀。子羚大方表示有见过徐伟栋的妹妹徐頴堃，但未见过其母亲雪梨，至于可有见过雪梨的家姐米雪？她说：“当然见过，本身都识佢，好似有一齐拍过同一部剧，但冇对手戏，有机会合作当然好。（一齐演新一辑《溏心风暴》？）好吖！（你有冇同“胡说八道会”嘅姊妹介绍徐伟栋？）最近大家少见，之前约咗，但我病咗，所以冇去。（徐伟栋有冇照顾你？）我病咗都要照顾只狗呀！”

声梦小花锺柔美（Yumi）在骚上表演跳唱，入行近5年的她被问到有否见过同场表演的“师妹”、《中年好声音3》冠军黄博？她称仍未见到，因出骚前才完成考试赶到会场：“《中3》决赛嗰日，我要温书所以嚟唔到现场睇，恭喜佢攞奖，因为之前要闭关读书，唔系追得好贴《中3》战况，间中睇到一啲片段，佢哋很犀利，有值得学习嘅地方。（想唔想合作？）顺其自然，佢哋比赛时已经可以踏足启德咁大嘅舞台，反而我系第一次嚟表演，希望有机会合作。”（黄博话想学跳唱？）Yumi建议对方作尝试，又说：“可以教佢呀！，可以一齐跳唱。”

终于考完试的Yumi表示现时正式放暑假，会开始接多些幕前工作及跟粉丝见面，至于升学大计，她坦言要视乎成绩再决定，又指考试压力大，影响睡眠质素：“试过考会计前发梦，发梦做试题，点知考试当日真系出咗梦入面嘅试题。”她又指小时候有次梦到几个数字，妈咪用来买六合彩，中了二奖，事后妈咪用奖金买了一部琴给她，是她人生第一部拥有的琴。