70岁的韩马利（Mary）接受谭玉瑛（阿谭）、何基佑及黄筠儿主持的新城《QK玉瑛室》节目访问，大谈入行经历。阿谭坦言和韩马利不太熟稔，也未曾合作过，惟双方早前获公司颁赠30周年金牌，两人坐在一起谈天，韩马利突然请教阿谭如何跟伴侣维系感情，而感情生活相当低调的阿谭，亦跟她侃侃而谈：「大家都系女人，都可以分享吓。」 韩马利自小热爱跳舞，她在节目中透露入行前曾是一名舞者，但当时父母认为跳舞没出息，故反对她跳舞。 「我妈咪系教书慨，渠觉得有书唔读去跳舞有咩发展？但渠反对之下好民主，而且我细个代表好多学校去攞奖，又代表全香港去比赛，喺1970年代表日本世界博览会喺香港馆表演，我同查理斯王子影过相㗎！」引来全场哗然。 后来韩马利被母亲送到英国留学，但她不喜欢读书，一年之后独自购买机票返港，任性的她令母亲相当生气，「咁返到香港我就同周梁淑怡（Selina）个女补习，我妈咪同渠讲，话个女读唔成书好冇用，Selina话你不如入TVB做PA。见工嗰个系孙郁标，渠见我跳舞攞咁多奖，唔跳就嘥咗，咁啱公司唔够舞蹈员，渠问我可唔可以去跳舞，但我妈咪就系唔想我跳舞，点知Selina出口，我妈咪就应承畀我跳一年，PA有位就转番过去。之后就好自然转到幕前，真系无心插柳柳成荫。」 韩马利1976年首次拍剧便在《陆小凤》中担任女主角，直到现在仍在影视圈发展，当年未入过训练班的她，自爆被李家鼎骂得最多，「以前拍功夫片，有一段时间好钟意用拳脚，全部都系自己做冇替身，除咗吊威吔或者好高跳落嚟，嗰时边有学过，临时拍临时学，入到厂学完要即刻拍，你知李家鼎几咁恶，我直情打到出厂呕，呕完仲要畀佢闹蠢到死；不过佢个人心地好好，好关心人，只系性格系咁。」 与老公杜燕歌结婚35年的韩马利，笑言与丈夫十分不相衬，「我哋简直系南辕北辙，无论系我哋慨思想、生活习惯、钟意慨嘢都完全唔一样，冇拗撬时就好，如果碰到底线，我会话再讲我会发火，咁大家就唔出声；我同渠都三十几年，由好难磨合，到依家都彼此尊重对方。」