仙气YouTuber曾月入六位数，转职歌手没工开要兼职：马死落地行，我去打份最低工资的工作都可以过活，在香港你去洗碗都有钱赚啦，对于我来讲，我从来不担心！ 11年前已入行做YouTuber的曾乐彤，当日靠特技化妆片起家，2018年更获英皇签约至旗下做歌手，不过作品不多，今年中更低调离巢。近日她现身《1圈圈星光背后》，接受主持人梁泰来访问，就分享自己入行经过、签公司后没歌出的经历；而跟MIRROR御用监制徐浩绯闻传足几年的她，终于在访问中首度认爱。 曾乐彤算是早期的YouTuber，19岁开始拍YouTube片，当年做KOL仍未是赚钱渠道，她拍片纯粹因为喜欢睇丧尸片，于是纪录低自己的特技化妆，但慢慢地影片几受欢迎，亦有不少人找她卖广告。梁泰来问到当时收入多不多，她说：「我觉得对于一个学生嚟讲绝对OK，系多。（几位数？有冇五位定系点？）好唔定，六位数字㗎都，勤力慨话。但系我唔系一个勤力慨人，同埋我都忽忽地，我之后入咗行见到好多PR，渠都同我讲话你嗰阵时好有性格，嗰时好似未被呢个世界洗礼，难听啲讲就系嫌钱腥同埋同钱作对。」 曾乐彤出片量不多，也自言拣择，她说：「所以我从来都唔觉得自己系一个红慨YouTuber，嗰时好多人都话我好低产量，我唔系靠YouTube盈利。」2018年她获英皇签约做歌手，但发展未如理想，出歌数量亦不多，第一年上过叱咤台后便遇上疫情，事业更受打击，最后两年完全冇作品，表示：「开心慨系始终都上过台，但系唔适应慨就系，好似过咗疫情几年之后，我都仲系一个冇乜经验慨新人，但系冇人会包容或者觉得你系新人，所以我自己都要面对。」不过曾乐彤并没有坐以待毙，她不甘心坐在家里等运到，有什么就尽力做，所以都有接填词工作，「我系经常性要郁，如果唔系我就会癫。 」 梁泰来问她，当时知道事业停摆有没有很彷徨，她说：「其实嗰时我唔知会停，你唔会知道某一刻我会停，你系知道慨话，你就会panic，但系当你慢慢静慨时候，你回望先发觉，原来我嗰时已经停咗。」被问有冇曾经向公司追问点解冇歌出，曾乐彤直言：「间唔中问吓慨。（跟住点回覆？）会慨，会慨。我的确都有慨，系可能最尾嗰两年先冇出歌。」她透露当时不独面对有冇歌出、有冇工开，心理上遇到很多不能言喻的问题，有少少郁住。 当讲到收入骤减，曾乐彤就自爆是靠「食老本」，因为她入行前有储钱，自己亦好悭，所以将所有赚到的收入都全数上缴畀母亲，至于积蓄大概有几多，曾乐彤表示冇特别去数，却自爆26岁已做业主，「第二年慨时候，我就已经向银行借到钱，跟住就买咗楼，买咗一个自己慨单位，因为嗰时我好想帮我阿妈换层大啲，妈咪本身喺SARS嗰年置咗业，所以我好幸运地可以问银行借到钱，另外再自己买一层，我按咗……会唔会太仔细？妈咪嗰度按咗，所以嗰嚿钱唔系我呢几年赚，但系都有啲积蓄。」虽然要供楼，幸好她不太担心，她说：「我做幕后，我有做剪片，我会帮人拍嘢，所以我唔系一个斋等慨人，马死落地行，有啲乜嘢，我去打份最低工资慨都可以过活，喺香港你去洗碗都有钱赚啦，对于我嚟讲，我从来唔担心。」 主持亦问到她的情史，她曾与游学修拍拖，又与音乐监制徐浩绯闻传足几年，因而令人揣测她钟情才华型，曾乐彤却指自己冇特定偏好，睇相处为主，更说：「才华拍唔到拖㗎！」主持人见她松口，于是再问她是否如报纸所讲与徐浩拍拖，她终于首度认爱：「都冇影到（相），而家系几年。」曾有报道指，就连MIRROR都要叫声曾乐彤做「阿嫂」，她立即否认：「假㗎！假㗎！个报道系唔知道点解会出嚟，嗰篇报道都冇影到我任何相，只系攞咗我同渠慨一啲相，然后拼凑出呢个新闻，其实MIRROR嗰啲完全唔知，啲歌手全部都唔知，假㗎！」 2018年，曾乐彤初做歌手，已有几首歌由徐浩帮她监制，但当时两人完全冇过电，「讲真，嗰阵时渠系我第一个监制嚟㗎嘛，好奇怪㗎，渠系一个……长辈，哈哈。渠听到呢句会崩溃，我觉得渠系一个老师，但系原来私底下渠系一个好温暖慨人。徐浩一直都有写歌畀我，之后仲话『写咗几首畀你都唔要！』」2021年，徐浩终于再帮她做歌，当时都未开始，至后来合作拍Cover才终于挞着这位大她12年的「长辈」，大赞对方：「渠系一个好简单慨人，工作期间唔会同人讲多半句嘢，好专注于工作，但原来私底下更是一个暖男，我见过渠单身时慨苦样同伤心样，由于渠慨专情，我更加认定徐浩系一个信得过慨人。」离开英皇后，曾乐彤半年内已自资出了两首歌《社畜完全体》和《Click Me》，都是由男友操刀；她亦感谢英皇前师姐容祖儿和蔡卓妍帮手Share。