专访｜江若琳（Elanne）相隔七年于今年8月正式回归乐坛，并推出全新广东歌《一直留在心底的事》，深受乐迷欢迎。 Elanne于上月底加码推出今年第二首派台作品《一圈》，她接受《香港01》 专访时表示：「今年出咗第二首歌叫做《一圈》，呢首歌就讲人生好似行咗一个圈，就好似歌词咁讲人生匆忙行一圈，每个人都会经历过读书，结婚谈恋爱，最后会变成老人家离开呢个世界。其实人生系好快好匆忙，眨眼就10几年，好快就会错过咗你慨青春。」她续指应该要珍惜当下所拥有的一切，并表示：「好多人都已经首先离开呢个世界，或者冇再联络，希望每一位都能够珍惜活在当下慨时光。」 讲到今次《一圈》合作的单位，她说：「今次慨班底好开心，有作曲慨吴林峰，点解会有呢个班底呢？系因为虽然我自己离开咗乐坛好多年，但我一直都好留意现阶段慨新歌，同埋音乐人。嗰阵时我好钟意一首歌叫做《挨面包的人》，就谂紧边个作㗎，咁好听慨，我冇谂过我出返歌同《挨面包的人》班底一模一样，嗰时我仲未出上一首歌《一直留在心底的事》，系我主动自己DM吴林峰，我话好钟意《挨面包的人》，呢个故事好似鼓励紧经历低潮慨人，之后一直就冇咗下文，喺四个月之后吴林峰就写咗首Demo畀我，嗰阵时一听慨时候我就好感动，因为由吴林峰本人唱返Demo。」 她又指与填词人陈咏谦合作感受特别深刻，并表示：「嗰阵时陈咏谦同我讲话9月30号交份词俾我，嗰一日就系我生日，就系生日礼物，收到份词慨时候真系最好慨礼物，呢一首歌系我最喜爱慨自己歌曲慨第一位，连编曲都真系好花心机，好感恩今年可以去做返音乐。」 至于《一圈》MV，她分享是由自己的唱片公司老板张子丰(Fred) 亲自执导，并表示：「渠都系一个好出色慨导演，我话个MV一定要有小朋友同埋老人家，今次就真系搵到韩马利和杜燕歌去拍MV。」她表示有份演出MV的两位老人家在镜头前呈现跳舞的一个环节深深打动自己老公萧唯展，并透露：「我老公系《一圈》初剪慨时候，渠突然一面眼泪，好感动。老公觉得好大感受，话人生好多时就系带啲遗憾，呢一首歌会谂起离开慨亲人同埋朋友，嗰阵时我谂住我婆婆去唱。」 被问到在录音的时候有否感动到喊，她说：「最难演绎慨系讲故事嗰一种情怀，每一句歌词都可以令人好细味当中慨意思，每一句歌词都要表达到嗰一种表情，嗰一种感情，但系感情唔系好sad嗰一种，系要人生真系行咗一圈，对于个人生有咩睇法？有一种看透世事慨睇法，我嗰阵时忍住唔可以畀自己有任何情绪慨崩溃，反而系有一种淡淡然慨感觉。」 提到《一圈》的歌词，她马上勾起当年在产房生宝贝仔Owen的经历：「我生仔嗰一刻就入到去医院，就会有产房，最下面嗰一层就系好唔想见到殓房慨一层，我嗰阵时去生仔觉得人生好奇妙，呢一刻有一个新慨生命诞生，但下一秒钟可能又有人离世，但中间就会经历好多唔同慨楼层，呢样嘢就系人生。」她透露婆婆生前曾经表示有望亲眼目睹她结婚生仔，并表示：「我以前细个婆婆就会帮我抓背脊去凼我瞓觉，婆婆虽然离开咗，但系好多回忆慨点滴都系留低畀我传承下一代。」 提到是否计划准备开演唱会，她说：「而家都筹备紧开巡回演唱会，第一站就会喺广州开始12月27号慨巡回演唱会，咁多年储落咗好多歌，好多朋友都想回忆返细个慨回忆。」她透露挑选歌单方面感到很头痛，并表示：「原来我有好多歌，每一站都可能有唔同慨歌单，听返以前啲歌音乐一响起，谂到啲歌系我慨咩？有一种熟悉又陌生慨感觉，好似我成长慨回忆，例如《眼泪无用》同埋《爱你还是爱美》，我之前演唱会都冇唱过，今次应该会唱返。」 讲到会否跳唱昔日的代表作《Show You》，她表示：「真系冇，可能有啲快歌方面有重新慨编曲，未必好似以前咁8个dancer一齐出嚟去跳一啲好可爱慨歌。」她指今次演唱会的时间流程不算太长，所以会选择主力唱自己所推出的作品为主。被问到会否考虑在香港开骚，她直言：「要睇吓场地，因为香港开骚场地都比较爆，其实我自己都几钟意旺角麦花臣，近几年都睇好多朋友喺麦花臣开骚，好亲切可以同啲观众好近，我睇吓有冇机会喺呢个场地度开。」她透露明年会继续推出一系列的音乐作品。