钱小豪专访︱小豪哥24岁已做业主，用80万买下太古城千呎单位，但在《僵尸》中的钱小豪，却是一个回到屋村生活的过气明星，不再辉煌，问现实中他可曾觉得自己过气，他直言：「有，应该系2003年嗰时喺国内做导演，拍咗两年戏，唔舍得离开屋企，因为想睇住个仔长大，好啦，转返做演员，唔知系2005定06年，开始出嚟做返演员，国内都知我叫钱小豪，但系渠就话『你演员好似冇乜作品出㗎喇喎。』咁就用你个名做吓反派，当系一个卡士啰，喺嗰啲好渣嗰啲电视剧做埋个反派，总之咩衰嘢都系你做晒啦，四、五线，可有可无嗰啲。」由昔日少年得志、红遍亚洲的卖座主角，到中年却坐冷板凳被如此「羞辱」，要演「萝卜头」，但他最终还是接下了这些角色，「因为我要做演员养个仔，嗰阵时个仔仲细。」 被问要如何调整心态，接受自己已从主角变成可有可无的角色，他认为：「好多人系接受唔到慨，接唔接受系睇你自己咋嘛，唔好俾呢种常态影响自己慨心态呀嘛。」小豪哥那时跟自己说：「唔紧要，我做得好睇就得㗎喇，我当一个职业啫，当锻炼演技，咁渣慨角色我都演得好，你唔好畀啲好角色我呀！我又嚟㗎喇！终于咪又等到Juno呢个角色啰，咪又再嚟过啰，系咪呀？因为我有经历呀嘛，我有故事吖嘛，所以我演绎得好好。」 《僵尸》里小豪哥确实演得好，同片的鲍起静夺得了影后，他却连入围都没有，不少人替他不值，他一样淡然面对得失：「攞唔攞奖，有好多系天时地利人和啦，或者评审觉得你都系打仔嚟慨啫，唔会投你一票，唔紧要，大家见仁见智。我又冇觉得可惜，惠英红话唔抵呀嘛，『觉得好可惜呀，你演得咁好！』演得好咁又点啫？一定要有提名㗎咩？冇所谓㗎，而家喺网络平台慨世界，好多人睇完都话我演得好，就已经系无名影帝啦！」他亦寄语其他演员不要常常郁结，「『点解我攞唔到奖？点解我冇提名？』咁系你影响你自己心路历程，演员唔需要呢样嘢。」 Juno游说小豪哥接戏期间，曾问他：「你甘唔甘心㗎？」与他合作《原振侠与卫斯理》的周润发、张曼玉；《太极张三丰》的李连杰、杨紫琼，全都去了荷里活，Juno问：「你甘唔甘心？有啲同期嗰啲都去晒荷里活。」小豪哥不讳自己曾经执着过痛苦过，但后来已放得很低，并没有什么甘不甘心，即使有任何挫折，他最多也是记低那种感受，放在心底的「笼柜」里，锁起来，到拍戏有需要时才翻出来，煞科后又锁起，「可能Juno当时想再启发我喺戏里面个心态，有时命运慨嘢唔系话我要得到就可以得到㗎嘛，但系我慨财富就系我经历，呢啲咪我经历，我有信心演到你部戏咪得啰。」