钱小豪专访︱大约半年前，钱小豪突然被发现暴瘦，令网民对其健康状况非常担心，甚至推测他是否身患绝症。今次记者访问就请他交代一下最新健康情况，他亦畅谈了在影坛45年的经过，从年仅16岁便做主角、22岁拍《僵尸先生》一炮而红，期间辉煌过也受伤过，却在中年时遇上事业低潮，自觉已过气，上到内地只得一些四、五线反派的演出机会，到底他是如何挨过来？ 开始之前，当然要先讲讲大家最关心的健康状况，小豪哥说：「我健康好好！」年年验身的他半年前才检查完身体，一切正常；要说小毛病的话，就是半年前验到有青光眼、少许白内障，要滴眼药水控制眼压。至于暴瘦是什么回事？他说自己近十年八年在国内拍摄，不太想乱吃东西，习惯一日一餐，加上疫情期间隔离吃不惯那些食物，胃口就愈来愈小。小豪哥现时140几磅，他觉得肥与瘦之间，自己宁愿瘦，「如果我而家到呢个年纪，我有个大肚腩好肥，又话我唔长进、唔keep，两者去拣，我宁愿瘦。瘦啲好啲，因为我觉得瘦啲轻便啲，着衫都舒服啲，个人冇咁论尽。」 知道大家可能仍然未必信，记者再追问，毕竟他前阵子曾经剃光头，有人就揣测他是否患癌症、做化疗等等，他先为癌症辟谣：「一年前，理发师睇到我头皮里面有两笪黑印，佢话睇睇好喎，惊啲斑里面有啲唔好慨组织，咁咪睇吓皮肤科，医生就话『系喎，不如验吓稳阵。』佢话要喺嗰个位剃一执头发，我话咁鬼肉酸，直头剃光佢啦，仲型仔！咪抽咗啲纤维走去化验啰，冇事呀，可能年纪大开始有啲色斑啫，而家色斑都冇埋啦。」接着他又再话糖尿病传闻解画：「我望住镜头讲，我冇糖尿！个个都问我，你有糖尿病？前几日剪头发，发型师话『唔好呃我，你系咪有糖尿病？』你就糖！」记者大吉利是问句，若将来万一真的有什么疾病，小豪哥会否公开，他就觉得医学先进，无必要隐瞒病情，毕竟自己都62岁，年纪大一定有毛病。 小豪哥年轻时可是难得地又靓仔又打得的演员，现在过了花甲之年，面上多少添了点岁月痕迹，笔者曾见到他开直播时有网民留言「豪哥老了。」对此他就表示：「老了系正常㗎啦， 60几岁如果我仲系20几30岁个样，你又话我做咗啲唔知咩喺块面嗰度慨啫！」他觉得自己皮肤其实还不错，自然、冇毛孔，就算有皱纹都很正常，「依家Man好多，靓仔过20几岁嗰时。」更大爆女粉丝数目比年轻时还多了，常常在网上倾偈，又会在不同城市搞粉丝聚会，连狂蜂浪蝶都多了，「渠哋日日喺facebook嗌生嗌死，『豪哥快啲出现啦！好挂住你呀！好爱你呀！』」 之前有报道指小豪哥与粉丝合照时非常亲匿，女方甚至紧紧拥着他，小豪哥其实很锡Fans，他解释：「一定要拥抱吓渠哋啦，唔系渠哋发烂渣。你要体谅渠哋，你唔拥抱渠哋，渠哋系会伤心，系咪好自大啊讲得？（渠哋钟意你嘛！）系真系钟意我，我理解到渠哋有啲住喺偏远地方，可能转几转车，坐公车至去到火车站，唔系高铁喎，嚟到可能要20几30个钟头至见到我一面，你话拥唔拥抱佢好？唔系有啲会喊㗎嘛！」所以他见到粉丝时，会逐个逐个慢慢拥抱，报答对方的支持。 近年小豪哥电影产量减少，毕竟拍电影太辛苦了，又要通宵，又要黐头套，又要打，年轻时体力透支得太多，早已满身旧患，倒不如做些舒服的工作，于是他转型开直播。不开犹自可，一开才发觉自己的流量原来好犀利、好有威力，「抖音有粉丝剪我以前嗰啲片上去，喺抖音个点击量系75亿！原来咁㗎喎！75亿！国内都系14亿人，抖音75亿！」以往小豪哥较内敛少话，尤其细个就在片场工作，面对住大明星们，怕说错话得罪人，但在直播中要做主持，两个钟不停与嘉宾聊天，也是他从未挑战过的工作，他说自己是受细仔启发，见他2岁时已不怕生保，跟第一次见面的新朋友都主动倾偈，「我都要叫渠声德哥，点解我以前唔学吓渠呢？」所以小豪哥都愈来愈开朗健谈、圈子也多了，人缘也变好，去街市买餸都着数多多。 与小豪哥讲起入行经过，他说小时候已无心向学，坐在课室里游魂，一落堂冲去做运动，70年代武侠片盛行，他于是去学功夫，睇完《Rocky》更决定去打擂台，「14岁咋嘛，好彩嗰时生得高大，我咪话我18岁啰。」当他打第一场的时候，当然瞒着家人，怕他们唠叨和担心，但第二场爸爸就经已来捧场了，「我有奖攞返嚟嘛！」如是者打了两年，他对武术的兴趣未停过，每星期六都去邵氏位于中环的娱乐戏院睇武侠片和动作片，有次见邵氏招龙虎武师训练班的新生，他便胆粗粗报名，顺理成章展开了武打演员之路，打开了电影大门，「佢唔知要上半年定上几个月，我上咗两个月，可能个校长或者导师觉得我有啲潜质，跟住就话张彻大导演落嚟拣蟀，就拣咗我同几个人。一上去第二日就试造型，渠就话『听日上嚟拍戏啦，唔使去训练班！』咁样喎， 16岁都未够喎，你咁睇得起我！」