专访︱张彻是当时邵氏的大导演，也是钱小豪的恩师、伯乐，没多久报章已用「张彻新契仔」称呼他，就连「钱小豪」这个名都是恩师为他改的，「我叫钱嘉华呀嘛，渠改咗我叫钱小豪，初初唔习惯㗎，仲有啲师兄弟笑我，话钱小豪倒转读，『好少钱』，哗。不过而家钟意呢个名，用咗40几年，无论喺国内同香港都叫我小豪哥，好亲切。」讲起「钱嘉华」这个名字，前阵子黄秋生出Post关心小豪哥时，也以「嘉华兄弟」称呼他，惊揭两人原来识于微时，「元哋细个同一间学校，有同一个门派，秋生又系武痴嚟，成日要搵我比武，结果我唔话畀你听。（即系你又赢啦？）唔好讲！唔准讲！」说到这里，小豪哥笑到眼泪水都飙。 小豪哥自觉与黄秋生有缘，除了武术上的切磋，秋生哥还会跟他看书，「渠同我一样屋企好多书，但系渠高深啲。渠系一个学者嚟，我跟渠睇吓书啰，历史、哲学，咩都睇。」小豪哥更讲出一件年少时发生的窝心事：「佢好有心，嗰时知我打擂台，嗰时我哋返八点，同一间学校，渠晨早六点几七点嚟到我屋企门口拍我门，佢话『喂，有本漫画讲打擂台泰拳慨，拎去睇，睇吓有冇用。』咁样喎，好笑。」大概这便是秋生关心人的方式，尽管后来大家入行后没机会合作，戏路也不同，但偶然都有小酌一番，对于秋生早前在贴文中讲到「可能你睇唔到我慨祝福，但系希望你一切安好，身体健康。」小豪哥大笑说：「嗰篇文！我谂就系啲传媒话到我就嚟咩……渠即刻话『希望见返你啦』，我觉得渠系咁慨心态。」 小豪哥都同意自己有少年运，16岁未够就有机会做主角，张彻在训练班60几人不选，偏偏选中他，「有啲人穷大半生，都未有一个主位做过，我竟然16岁未够慨小朋友，就可以有呢个（机会）。」问他觉得自己是否有什么过人之处，他笑说：「点知啫，靓仔啩。张彻恩师好兴一套戏有五个主角演员，即系好似以前狄龙、姜大卫、陈观泰、傅声咁样几个拍一部戏，我咪其中一个啰。」虽然成名来得快，不过他不敢轻率，在片场上面对一个个大师兄、大师姐，小豪只希望自己成为更有实力的人，不想被看扁，于是他收工后去学自由体操、翻腾、跳弹床，把习得的技艺融合在电影的功夫打法，成功创出自己的风格。 那个年代竞争大，要搵命搏才有机会上位，所以他从不偷懒，永远亲身上阵，但同样地，也常常发生意外或受伤。讲到最惊险一次，是他拍摄一场碌楼梯戏，剧情讲述他心口被人踢了一脚，倒后滚下石楼梯，他头部猛烈受撞击。小豪哥说：「咪失忆咗三日啰，撞到个后脑，成身唔郁得！撼到个后脑，轰一声，下半身唔郁得喎，我以为会唔会断咗神经线呢？你知有啲撞到颈椎会瘫痪㗎嘛，想郁下只手又郁唔到，跟住就晕咗。」电视剧常常有演员昏迷后在病床上醒来，问：「呢度边度嚟㗎？」原来这个情节，也确确实实发生过在小豪哥身上，他再次恢复意识，已是一天之后的事，睁开眼睛见自己身处医院，他第一个想法是：「今日系拍边场戏？」当时女友说出实情，指他已昏迷一整天，他还说：「你唔好呃我啦。」至后来记忆才慢慢、慢慢回复过来，他才发现自己「断咗片」。 小豪哥最大的代表作当然必数《僵尸先生》，那年洪金宝大哥想开拓新戏路拍《褔星》系列，又不想拍开鬼片的手足冇工开，便邀他这位新人去嘉禾拍僵尸片，原本小豪哥是打定输数的，最主要当时他跟邵氏有合约，而邵氏和嘉禾是敌对的，他心想邵定一定不会放人，「洪大哥话『好呀，你试吓倾吓先啦。』我咪上去邵氏高层度问吓渠哋啰，点知我一问，高层话：『好吖，你过去好呀，因为邵氏电影公司呢排开戏唔系好多，但系你个个月都出粮㗎啵，不如咁啦，你停薪，去到嘉禾，你拍几多个月，咪喺邵氏合约里面扣几多个月啰。』咁喎！咁样过到去喎！我觉得电影历史要写呢段落去，邵氏同嘉禾合作，就系为咗钱小豪！」 不过小豪哥却不认为《僵尸先生》是带给他最多的一套作品，例如：《大头绿衣斗僵尸》以及国内、台湾的电视剧都是他的代表作，而其中一套，是他做反派的《太极张三丰》。他当时觉得僵尸系列已经式微，自己已厌倦了，决定离开香港拍其他埠片，「《太极张三丰》呢个反派我好乐意去演，出嚟而家仲有个金句：『我命由我不由天！』」转型成功，他自然更不想再拍僵尸片，2013年麦浚龙（Juno）找他拍《僵尸》，他起初也是拒绝的，「第一个感觉系，如果系旧瓶新装，仲系拍返以前嗰啲就唔好重蹈覆辙啦。我咁辛苦去改形象，反派都做得咁成功，你又叫我拍返以前嗰啲？系咪先？佢话唔系呀，我拍你半自传，系将你以前经历过慨嗰啲嘢拍出嚟，全部同以前唔同慨，咦，咁我有兴趣喎！」