乐坛大哥曾做生意每日蚀六位数，食安眠药搞到情绪病：劝人唔好食！ 陈友纵横音乐界同电影圈，又北上做过生意，人生经验丰富，日前他就去到由周国丰、陈淑兰和陈淽菁主持的YouTube节目《丰陈三侠》做嘉宾，透露曾做生意每日蚀六位数，食安眠药最终患上情绪病。 陈友称当年一起身就蚀几廿万，他称：「我哋做艺人，成日写剧本，好多时都系用个心，用个脑慨时候我哋又做唔出，做生意梗系唔系咁计啦条数，所以我哋做艺人其实好蚀低，如果你系咁计算，你未必喺台上，或者抒发做戏慨时候，未必一定做到嗰样嘢出嚟，所以唔系艺人唔识做生意，可能系做唔出手。」 陈友更透露在内地买安眠药食：「成年几，积累个压力又好大，有啲嘢你又唔想放弃就继续去坚持，食嗰啲安眠药先瞓得着，但有一个后遗症，我真系劝人唔好食安眠药。你宁愿跑跑跑到瞓低，食嗰啲安眠药，你会慢慢控制唔到自己，会有啲狂躁感觉，突然间控制唔到自己，有一日我就觉得唔得，唔可以食啦！」他又透露曾食安眠药以致耳朵「塞咗」，患上交感神经失调。