现年71岁，MadamLo卢宛茵，早前在Youtube 节目大爆在TVB拍摄新剧《非份之罪》时被导演连番针对，不堪精神受虐，与家人商量后决定同监制王心慰投诉，事件最终得到解决。 MadamLo今日（2/11）现身大埔出席电影《一个部门的诞生》开镜拜神仪式。 MadamLo接受访问时表示：「到好耐冇拍过电影，而家拍返宾系好开心，今次我呢个角色系演一位婆婆，我人老精鬼老灵，蛊蛊惑惑咁，同一班后生演员合作系好好玩，同埋渠哋都好照我。」 被问到投诉事件后，有否影响工作量？ MadamLo表示：「都好耐冇剧拍，但我就觉得咁，我又唔系要去𢱑你做嘢，我唔系呢啲咁慨人，你搵我做，我就做。你唔搵，我都成年冇返TVB。（会唔会就系呢件事？）我唔理，我试过几年前有一次，我上去之前合作过慨监制房打招呼，我唔开名。我入到去好礼貌同渠问好，点知你估个监制讲咩？渠就话『点呀？唔够骚呀？入嚟想𢱑捞？』我嗰刻真系呆咗，我心谂我只系想入嚟同你打过招呼，使唔使咁讲嘢，于是我就即刻行返出去，我系估唔到渠竟然会讲呢啲咁慨说话，令我好反感，所以你有嘢拍就搵，冇嘢拍我咪凑孙，到我呢个岁数，我都冇包袱，做人最紧要开心。」