无线（TVB）人才济济，莫讲做演员竞争激烈，随着音乐选秀节目的成功，亦有越多越多位新血加入，至今TVB旗下已拥有足足70位歌手。在如此激烈的大环境下，仍能够出歌绝非易事，同样凭参加《超级巨声4》而签约TVB的伍富桥最近推出新歌《一剧之本》，借新歌对自己入行10年来的小总结以及分享婚后如何与富贵太太面对网络上海量的酸言酸语。 伍富桥接受专访时分享新歌构思：《一剧之本》系我啱啱由2字头变3字头慨转捩点，同我入咗行10年到而家慨一个总结。个构思都系来自我自己慨故仔，讲紧一对情侣当然会有嗌交慨时候，除咗嗌交会影响关系之外，都有好多外来慨影响，好似做公众人物会有网上的抨击，甚至乎系亲人同朋友慨意见，都会令到我哋慨关系有影响。但End up 只歌都系想感激大家一路以来行落嚟，无论遇到任何挫折同难关，大家都会记住双方系相爱，都会喺大家身边，不离不弃。 以往不少歌手都有提到在香港做音乐好难，伍富桥亦坦言：「其实都真系好难，好似我咁眨吓眼入咗行10年，10年嚟讲一只专辑都冇，其实都几可悲，我自己觉得。亦都唔能够话10年就一定要有专辑，都要检讨一下自己，所以今次呢首歌除咗有嗰个构思之外，亦都系对自己一个反思一个检讨，会唔会自己唔够努力？会唔会自己唔够积极？啱啱都提过我入咗行10年，出咗慨歌都差唔多10只，但除咗做歌手都有做演员，甚至乎半转行，做健身教练，点解我做其他行业但都要Keep住做音乐，可能就系我一入行个初心都系想做歌手，都系因为钟意唱歌而入行，所以就算条路好难，我都会Keep住唱落去。你问难唔难？系真系难。（有咩令你继续坚持去做？）我谂系初心，入咗行10年我都冇放弃过唱歌，最重要系我而家已经成为咗人夫，有个家庭但身边嗰个都义无反顾咁支持我，咁我仲有啲咩好阻住自己呢？如果我太太都支持我唱，咁我有更加多一个动力去唱。自己有生存去Run紧慨情况下有自己慨收入，咁我觉得做自己钟意做慨嘢已经系一件好幸运慨事，所以暂时都冇谂过会放弃。」伍富桥更透露未来在音乐上会有更大的自由度：「可能会尝试去搵我一路以嚟都好欣赏慨制作人同作曲人去合作，希望会有多啲唔同慨曲风带到畀大家。」 谈到不少与自己同期的歌手譬如胡鸿钧和菊梓乔都相继离开公司，伍富桥称与公司关系很好：「所以先有歌出，都好关照我，都畀好多自由度我，由《很多很多份之一》开始，畀我拣Producer，畀我自己同Producer沟通，今次都听咗好多次Demo，10首里面拣一首，好开心因为做歌手有得拣Demo系一件好正常好平常慨事，但我系做咗歌手10年，今次系第一次有机会拣Demo。之前系收Order做嘢，一嚟会话呢只歌你唱啦，歌词都Send埋畀你。所以今次感觉系实在咗，似返一个歌手，希望嚟紧都系呢个方式。」至于会否觉得公司竞争越嚟越大，他坦言：绝对大，因为好多歌手都好出色，加上我都3张嘢，几多新慨歌手上紧嚟，全部都好多潜力，男男女女都系，再加上有一班《中年好声音》，渠哋全部都好有热诚，年纪比我大但渠哋个心都想出嚟参加比赛，渠哋嗰团火一定唔会比我少。（咁点突围？）除衫啰，到时一定畀你哋影，但未系时候。我谂系勤力啰，自己有冇歌出都好，都要出多啲Cover，Keep住话畀啲唔记得你系歌手慨人听你识唱歌，呢个都系呢半年嚟自己一直做紧慨嘢。 伍富桥自从前年与女友梁兆楹（Shirley）结婚，因Shirley父亲从事物流及食品等生意，令他被封为「亿万驸马」。婚姻一开始就受尽瞩目，当中有祝福亦有恶意留言，被问到夫妻二人如何面对：「你点样抨击我无所谓，我预咗，做艺人预咗畀人公开批评。但我觉得最戥我太太唔抵，最心痛系佢唔系一个公众人物，但要畀人评头品足，呢个系我最心痛。作为渠慨另一半，都无办法为渠遮风挡雨，渠可能冇表现出嚟渠介意，但作为一个正常慨人，尤其系女仔畀人话丑样边个会开心？但讲真，你话渠系咪最好最靓一定唔系，但渠系咪最丑一定无可能系，但点解要去攻势一个人。我觉得我娶到呢个老婆我自己好满足，好开心，好感恩。有时都好无奈，啲人成日话你老婆家底丰厚，你就好啦。讲真渠家底丰厚关我咩事，都系渠慨家底，唔通结咗婚我就可以拥有渠慨家底咩？唔系，唔通我又拎份粮单畀你睇咩？我每个月公司赚几多钱又拎畀你睇？唔会㗎嘛，但作为公众人物我系OK，你讲咩都好，无论话我食软饭又好，肥肿难分都好，食得咸鱼抵得渴，但我最介意渠哋批评我太太，呢个一直都系我欠渠慨，不过渠系一个IQ、EQ都好高慨女人。」 至于多次被屈偷食或出轨，伍富桥表示对「出轨」二字非常反感：「自己个名后面有呢两只字，讲真我真系好唔开心。系关乎人格慨问题，以后啲人提到伍富桥就会话出轨嗰个，无论真假都好，都好影响我声誉，所以嗰段时间都真系唔开心，加上好多亲戚或者网民好多时候都唔睇内文，我担心长辈见到以为系真，我唔想渠哋失望，加上呢两个字系死罪，我个人认为系唔可以原谅，所以真系会屈住。」