现年92岁、人称「修哥」的胡枫，在影视界打滚超过70年，而且愈老愈精灵，近年还转型做埋KOL，在社交平台开设「修哥万花筒」，访问不同明星，搞得有声有色，深受网民喜爱。不过向来「好好先生」的修哥，竟然都有不Like的艺人，究竟是谁呢？ 修哥近日饭局，期间更不忘把握机会拍摄新一集《修哥万花筒》，而他所指「唔Like」的人就是三哥苗侨伟，三哥先谦虚说：「喺修哥面前呢，我就唔敢叫三哥了，你可以叫我三弟，但系我通常见到修哥都会叫渠『喂，死𡃁仔，你唔好咁牙擦喎！』其实渠系一个𡃁仔嚟架。」 修哥风趣说：「我话畀你听呀，我见到佢好唔Like架，因为渠有型、有款过我，你话我真系好唔开心架，不过今日见到佢冇办法唔搵佢倾下偈。」不过三哥都非常识捞，赞返对方：「讲到型，又边度及得你呀，大佬，又青春，又好中气，讲嘢又口齿伶俐。」修哥转数劲快，反问三哥：「依家口齿伶俐，咁以前呢？」三哥模仿对方口吃说：「以前咪我我我我...诶诶诶诶...」十分搞笑。 随后，修哥还拉埋三嫂戚美珍入镜，自爆：「头先渠同我打招呼，我唔睬渠，我就话点解你老公型过我呀？我唔睬你啰！」戚美珍大赞修哥现在嘴巴很会逗人开心，以前没那么厉害的，现在是逆生长，她都想跟对方学习。 此外，三哥透露刚拍完一套电视剧，三嫂向修哥笑说三哥开工她便要做「阿四」，修哥即指住三哥说：「你就猛搵钱，渠（三嫂）就享福，其实你都唔使搵钱，你都大把钱。」三哥强调自己都要工作的，修哥笑称：「真系阴功啰！」又追问三哥新剧叫咩名，三哥说叫《无惧》，无所畏惧；修哥即搞烂gag：「渠乜嘢都无惧，系惧你（三嫂）啫！」三哥即说：「渠系我老细嚟架！」求生意志非常强。修哥又预告他明年会办演唱会，叫三哥和三嫂不用拿飞，包在连炎辉身上就可以。网民纷纷留言：「90+修哥的脑袋反应快对答如流真的五体投地」、「修哥令人佩服」、「头脑灵活，表达清晰，好叻」。