日前

江嘉敏Kaman突然发长帖

宣布自己离巢TVB

消息一出

唔少网友都觉得好意外

事关Kaman一直好活跃

仲有唔少待播剧

包括《非份之罪》《香港重案》等

效力TVB九年嘅佢

喺帖文中处处透露着不舍

除咗多谢身边照顾自己的人

仲拿着“散水饼”

去TVB嘅地标打卡

同佢合作过嘅同事、

好朋友都纷纷留言祝福

//////

回顾Kaman嘅演艺经历

一出道即巅峰

喺《亲亲我好吗》中

饰演清纯学生妹

一部剧就成功入屋

之后“纯情靓妹”形象升呢

喺《兄弟》中担正做女主角

拍咗多部重头剧

《夸世代》《大酱园》等

拍剧机会多嘅同时

佢每拍一部剧都会有话题

例如同男主角传绯闻

拍《兄弟》时

同有妻之夫王浩信互买咖啡

喺《大酱园》中

同有另一半嘅黄嘉乐

有意无意互传短信

Kaman被网友称为

“新一代发电机”

前几年佢突然暴肥

成为“时装车祸”人物

暴胀之后嘅Kaman

有段时间放飞自我

穿裙装更显大只

一度被监制勒令减肥

之后喺《新四十二章》中

佢以短发“男人婆”look出现

吓亲唔少观众

虽然剧接剧咁拍

但形象狂插水

路人缘越来越差

直到去年年底

佢逐步瘦身成功

被观众赞重回颜值巅峰

大家以为佢会专心演戏

点知依家突然离巢

出道9年时间经历咗咁多

Kaman就话

希望30岁可以重新开始

留多啲时间陪伴屋企人

未来可以试多啲新嘢

例如唱歌、跳舞等

前排Kaman中放出过

海滩婚纱照

大家都猜疑佢係

为爱离巢、突然闪婚

佢知道后激动回应

“不实报道！自己都唔知！”

Anyway~

嘉敏虽然离巢TVB

但冇话离开演艺圈

并且已经有新嘅目标

希望尽快见到佢嘅新作品啦！

资料来源：微博、小红书、剧照等网络信息综合整理

编辑：饶   禧

一审：曾敏妍

二审：董华海

三审：骆   苹

【邮政】中国邮政微邮局

【淘宝】羊晚生活馆【小红书】Color班马

都可以买到《可乐生活》

▼▼▼