虽然新年假期结束

啱开工呢段时间

大家都中意穿颜色鲜艳嘅衫

攞个红红火火嘅意头

喺周末嘅赛马活动中

曾志伟带住旗下一班靓仔靓女

去现场为TVB杯助阵

镜头前一抹鲜红

靓靓们几乎全部红装出动

新春氛围感拉满

新晋“视后”龚嘉欣

红色丝绒裙显白又高贵

小心机咁喺肚脐位个镂空

姚子羚嘅红裙简洁好多

明显更贴身

展示靓靓嘅身材线条

刘佩玥穿蓬蓬袖连衣裙

胸前嘅闪钻星星镂空

有小性感又少女味十足

原来呢个星星镂空

仲有更sexy嘅款色

林夏薇着得尽显事业线

同自己品牌嘅珠宝搭配

外搭了一件浅色西装

既诱人又低调

年纪最细嘅姚焯菲&钟柔美

要为马会活动唱开场曲

红衫配短裙仔活力四射

//////////

同场嘅男星虽然都“红”

但同女艺人相比

颜色偏深冇咁抢眼

显得比较低调

啱升呢“大湾区视帝”嘅马国明

穿上花哩碌嘅粗线冷衫

上面围住一圈蛇仔图案

配宽松西装裤特别悠闲

陈豪嘅酒红色西装好醒神

佩百搭黑色樽领绝对唔会出错

如果搭翻条颈链可能更有层次

//////////

除咗马场活动红红火火

只要係贺年活动都少不了

大红大紫嘅造型

傅嘉莉穿上玫红色冷衫

喺富贵竹、迎春花前面

显嫩显白特别抢镜

杨茜尧都冇执输

喺团拜活动上

穿上全套玫红色西装

就算面前有叠红卜卜大利是

都抢唔走佢套衫嘅风头

原来穿玫红色

比大红色更加亮眼

吸睛程度绝对满分

睇得出两位元气满满

//////////

见到即将同未婚夫

拉埋天窗嘅卫诗雅

穿上由头红到尾嘅连衣裙

仲有甜甜嘅笑容

好事将近，将成sweet人妻

果然人逢喜事精神爽

//////////

寻日喺社交媒体上

李施嬅同未婚夫合影嘅红裙相

都疯传刷屏

原来佢宣布自己

已经同未婚夫分手2个月

结束咗长跑8年嘅感情

仲记得施嬅喺2021年

曾高调晒钻戒

之后大家关心佢几时结婚

佢每次都笑笑话自己未有时间

经历咗大病要手术

又失落过“视后”

未婚夫都陪施嬅捱过咗

好多高山低谷

合久未婚仲变成分手

大家都係好戥佢哋可惜

不过点都好啦

我哋都尊重佢嘅选择

新年同红裙合照告别

正係全新嘅开始啦

祝施嬅同大家一样

新年拥有快乐新生活啦

资料来源：微博、剧照等

编辑：郭   玮

一审：曾敏妍

二审：董华海

三审：骆   苹

【微店】羊晚文创线上商店

【邮政】中国邮政微邮局

【淘宝】羊晚生活馆

【小红书】Color班马

都可以买到《可乐生活》▼▼▼