2025年3月1日

音乐厂牌“赋音乐”发布消息

旗下歌手方大同

已于2月21日离世

享年41岁

消息一出

娱乐圈里里外外大为震惊

虽然近几年

方大同已经好少公开露面

时不时都会有

关于佢健康状况嘅消息传出

大家都喺度静待佢回归

大同生前有好多经典嘅作品

曾经凭借专辑《JTW西游记》

夺得金曲奖“最佳国语男歌手奖”

曾用《Soul Boy》震惊乐坛

正正係呢只专辑

让佢从幕后走到幕前

被更多歌迷认识

作词、写歌、唱歌

都係佢中意嘅事

喺2017年嘅时候

佢为咗完成妈妈嘅心愿

更开始涉足儿童教育领域

大同创作咗一本音乐童书

用一个8岁嘅小女孩做主体

讲述一个个关于冒险嘅故事

借此教育下一代勇敢追梦嘅重要性

从出歌到出书

大家可以见到

方大同各方面嘅才华

佢对每件事嘅用心

//////////

喺最新一季嘅

《声生不息·大湾区季》中

薛凯琪唔止一次cue到大同

每次讲起佢都一面红温

笑得非常腼腆

佢哋之间嘅神仙友情

真係令好多人羡慕

但佢哋亦唔止一次强调

佢哋just好好嘅好朋友

曾经有段时间

薛凯琪受情绪病困扰

严重嘅时候一度谂过要轻生

就喺Fiona想轻生嘅时候

方大同同佢倾咗一阵电话

提醒佢唔好食咁多零食&汽水

竟然挽回佢已经崩溃嘅情绪

薛凯琪仲话

大同好清楚佢嘅声线

写咗好多好啱佢唱嘅作品

喺大家眼中

Fiona大大咧咧、疯疯癫癫

方大同好内向腼腆

其实大同一直好似骑士咁

好好保护坐南瓜车嘅小公主

//////////

几年前

方大同因为身体抱恙

处于半隐退状态

偶尔会闪现社交媒体

同大家打个招呼

或者祝大家身体健康

Fiona亦喺节目中讲过

大家都等紧佢与大同再次合作

阿Fi话只要大同康复

大同想做乜佢都会支持

今年2月13日

大同发布咗一首表白情歌

《那沙漠里的水》

同歌迷提前过情人节

那沙漠里的水,方大同

喺节目上不停被cue

又有新作品接踵而来

大家都觉得好快就可以

再次见到鲜活嘅大同

今天的噩耗一出

真係令大家愕然

纷纷表示“不敢相信”

有人回忆起2月22日

薛凯琪喺汽水音乐节上

唱唱下歌爆喊＆不停讲

“人生的路永远是一半

没有尽头……”

当时可能佢已经知道

以后再都冇人提醒佢

食少啲零食&汽水了

香港乐坛才子突然离去

歌手歌迷惋惜悼念

愿大同走好

资料来源：微博、小红书等网络信息综合整理

编辑：郭   玮

一审：曾敏妍

二审：董华海

三审：骆   苹

【微店】羊晚文创线上商店

【邮政】中国邮政微邮局

【淘宝】羊晚生活馆

【小红书】Color班马

都可以买到《可乐生活》

▼▼▼