《九龙城寨之围城》上映后

大家都被“电影峯”吸引住

纷纷希望林峯快啲有新作品

念念不忘必有回响

全新亲子向电影《面试特工队》

前一排举行咗开机仪式

主角就新晋“影后”余香凝

同林峯搭档出演

话说

呢部电影主要讲一班家长

为咗自己嘅仔仔囡囡

可以读上好学校

各出奇招冲击入学面试

从而衍生出一堆爆笑虾碌嘢

应该係一部温馨嘅喜剧

香凝&峯少会演CP

仲有好多学龄小朋友参演

斋睇个阵容都觉得好热闹

喺现实中

香凝同林峯都已为人父母

再饰演呢类角色

可以话係本色演出

照计就冇太多难度嘅

两人喺戏中演夫妇

喺私底下就会交流下育儿心得

所以默契都几好

余香凝嘅小朋友年纪比较细

帮小朋友拣学校

陪小朋友玩玩具等嘅事情

佢会同先生一起分工

林峯嘅囡囡“格格”

读紧幼稚园中班

但课程难度已经超前到小学

平时佢仲安排小朋友

学钢琴、骑马、游水

培养佢嘅各种兴趣

听到都觉得小朋友压力有啲大

大家都知林峯家底丰厚

佢今次竟然都呻

因为要迁就囡囡翻学时间

所以旅行只能拣贵价酒店机票

据闻“格格”读紧贵族学校

每年学费高达20万

仲未计其他课外兴趣班嘅使费

//////////

值得一提嘅係

今次嘅新电影

由“石榴姐”苑琼丹

饰演林峯嘅“妈咪”

佢哋上一次合作

係2019年开播嘅《机动部队》

当时两人又係做母子

石榴姐&峯少虽然多年冇合作

但两人私下都有联络

而且认定对方係自己嘅好拍档

今次再聚即刻一拍即合

林峯大赞石榴姐好多鬼马主意

现场讲对白有好多“爆肚”位

<“爆肚”，是指演员或主持人不按照剧本内容，

临场即兴创作出一些新台词。>

令到观众对呢部电影充满期待

//////////

培养囡囡&屋企开销

应该压力比较大

所以林峯最近密密接job

除咗今次呢部新电影之外

林峯前几日仲官宣咗

自己即将喺5月份

举行全新嘅演唱会

以林峯过往嘅风格

佢嘅舞台肯定会又唱又跳

甚至玩水、撕衫、晒肌肉等

惊喜环节

再开show就意味住

要练歌keep身材学跳舞

花好多心机做前期准备

既要入组拍戏

又要花时间准备演唱会

仲有兼顾小朋友嘅成长

平时生活真係充实过龙啦

大家会更期待林峯嘅新电影

定係佢新一round

个人演唱会咧

资料来源：微博、小红书、剧照等

网络信息综合整理

编辑：郭   玮

一审：曾敏妍

二审：董华海

三审：骆   苹

【邮政】中国邮政微邮局

【淘宝】羊晚生活馆【小红书】Color班马

都可以买到《可乐生活》

▼▼▼