《哪吒2》持续成为全球大热

截至今日佢嘅总票房

已经冲上全球排名第七

成为亚洲电影史上

首部票房破百亿嘅影片

唔知大家有冇参与到

呢次百亿电影大项目咧

前段时间

《哪吒2》喺香港上映

掀起咗一大班名人、博主

为电影鬼马配音

以展示自己对粤语版哪吒嘅期待

2月28日晚

《哪吒》粤语版喺TVB播出

大家高兴之余定眼一看

发现要播粤语版嘅係《哪吒1》

点都好啦

有粤语配音版本嘅大片睇

令一众“吒迷”觉得好开心

TVB几部黄金时段嘅热播剧

都为咗“阿吒”让步

停播一日俾佢尽情solo

睇得出无线对呢部电影嘅重视

//////////

粤语版《哪吒1》从预告片开始

都已经抓住咗粤语迷嘅胃口

“估唔到嘅结果”

“自己条命自己孭”等讲法

已经有粤语博主开课教学

令非粤语区嘅观众可以边睇边学

唔错过电影任何一个高潮位

哪吒仔唱改编版粤语童谣

《有只雀仔跌落水》时

“困喺屋企冇嘢捞”

“人又废、话我曳”等粤语表述

将哪吒懒散鬼马嘅性格完美诠释

用粤语配音嘅电影

发音、用词相当贴地

令成部电影嘅节奏更加紧凑

引发咗大湾区观众嘅共鸣

有人觉得

呢首hea版《有只雀仔》

简直係唱紧自己嘅周末状态

//////////

除咗盏鬼粤语用词之外

最touch潮人心嘅

係佢用咗大量中夹英嘅台词

令到呢一版电影充满港味

好似太乙真人

唔记得咗password

哪吒叫对方帮手P图

妈妈话要令仔仔觉得happy

带佢游山玩水hea日子等等

虽然唔算好新好潮

但就係大湾区嘅朋友

成日挂喺嘴边嘅日常用语

哪吒闹敖丙嘅时候

仲直接话佢short咗

大家都觉得呢种港式闹人

表达够爽快直白

但敖丙回应

“因为我係你嘅朋友”

网友就觉得应该对应咁

配成“我係你个friend”

有啲TVB剧迷仲觉得

今次配音版里面嘅哪吒&殷夫人

冇请陈浩民&苑琼丹配音

点都有啲遗憾啦

因为佢哋嗰版《封神榜》

係好经典嘅电视剧

除咗对粤语配音有赞有弹之外

有网友会吐槽TVB播电影

每播15分钟就插5分钟广告

非常影响观感

而睇港剧大嘅朋友

就觉得喺熟悉嘅味道

毕竟属于电视台节目

肯定免不了有广告

唔知大家寻晚有冇睇到

粤语版嘅《哪吒1》咧？

最中意里面边一句粤语台词？

资料来源：微博、小红书、羊城派等网络信息综合整理

编辑：郭   玮

一审：曾敏妍

二审：董华海

三审：骆   苹

【微店】羊晚文创线上商店

【邮政】中国邮政微邮局

【淘宝】羊晚生活馆

【小红书】Color班马

都可以买到《可乐生活》

▼▼▼