前两日

英皇电影《怒火漫延》开机

一众演员出动见媒体

其中有最近密密开工嘅陈家乐

有过档英皇之后

风生水起嘅沈震轩

而最被大家关注嘅

当然就係呢部电影嘅

两位大男主

刘德华&谢霆锋啦

两大男神同框画面就超养眼啦

话说佢哋两个上一个合作电影

已经喺12年前嘅《新少林寺》

当时嘅刘德华

饰演一个因家庭变故

而决心出家嘅和尚

为咗形象更贴角色

佢坚剃光咗自己啲头发嘎

而霆锋喺《新少林寺》中

就饰演无恶不作嘅军阀

周围伤害人仲要不知悔改

最后喺生与死嘅边缘

华仔就用自己嘅经历感化咗佢

个结局都几感人嘎

12年前嘅霆锋青靓白净

靓仔得嚟带住一丝青涩

喺个好有冲劲嘅年轻人

12年后佢再同华仔合作

蓄起一头长发、一嘴胡须

见证岁月留下嘅痕迹

满屏资深老电影人嘅即视感

喺今次嘅电影中

霆锋升呢成为主演兼动作指导

成部电影里面嘅“功夫嘢”

都係佢design出嚟嘎

论係拍戏经验定演艺资历

华仔都係重量级人马

在行内德高望重

但佢依然接受霆锋嘅动作指导

可见霆锋在动作指导方面有啲嘢

两个人搭档相当合拍

据闻佢哋会喺开拍之前

沟通好晒全部嘅动作戏份

华仔会根据自己嘅接受程度

判断好自己接下来嘅动作O唔OK

讲到调皮嘅时候更调侃自己

“17个动作有16个都唔得！”

“吓”到霆锋当场笑咗

完美配合佢嘅“表演”

华仔接受采访时提到

虽然呢部电影叫《怒火漫延》

但其实佢

并不是《怒火·重案》嘅续集

会改呢个电影名

首先係想纪念《怒火》嘅

导演陈木胜

希望陈导心中嗰团“火”

可以继续“蔓延”落去

话说呢～

依家大家报复性睇show

好多歌手都举行全国巡演show

华仔&霆锋既係电影大咖

同时都係乐坛唱得之人

大家就好好奇

佢哋会唔会有音乐方面嘅合作

甚至开show开可能？

佢哋官方咁回应一下话

“有咁嘅可能”

但下个moment就澄清

“未有咁嘅计划”

目前都係想落足心机

拍好呢次嘅电影先哦

～呐～

之前霆锋专注揸镬铲嘅时候

大家就话要炸佢厨房

希望佢返出嚟拍多啲戏

咁霆锋又真係听劝

出翻嚟轰轰烈烈咁拍咗好多作品

如果大家心心念念佢再开show

会唔会念念不忘必有回响咧

来源：可乐生活Color微信公众号

编辑：张子殷

审核：曾敏妍

签发：骆苹