前排Color个friend罗子溢

同老婆杨茜尧（原名杨怡）

一起飞甩仔女

去庆祝“七周年纪念日”啦

人哋话“七年之痒”

佢哋“唔痒”之余

仲要幸福升呢

感情一向好好嘅佢哋

喺社交平台狂晒甜蜜合照

轻靠对方笑容满面

/////

近日

杨茜尧以一身白色西装利落look

亮相一个品牌活动

婚后甚少出席活动嘅佢

据闻紧张到前一晚都瞓唔着

作为二十四孝妈妈

茜尧一面对镜头

都忍唔住大呻凑仔压力大

讲到“拍剧同凑仔边个更轻松”

茜尧毫不犹豫选择拍剧

因为凑仔要时时刻刻

关注小朋友嘅动态

一日24小时都会好紧张

已经凑够“好”嘅佢哋

有冇谂住再生多个

茜尧马上撒手兼拧头

虽然钟意小朋友

但都暂时冇呢个计划啦

有媒体竟然追问

子溢会唔会结扎

护夫心切嘅茜尧马上转移话题

“头发咁短唔扎啦”

对于前排茜尧

冇参演《家族荣耀》续集

错过夫妻档合作

唔少网友都觉得好可惜咯

面对大家嘅期待

佢忍唔住向大家透露

自己已经倾紧剧本

不过具体都要迟下再宣布啦

如果有机会

佢哋仲想两公婆拍档上综艺

睇嚟齐齐搏命搵奶粉钱啦

~呐~

今次茜尧久休露面

状态大好又透露倾紧剧本

应该好快就要复出啦~

我哋又可以睇到佢做嘅戏了

大家係唔係好期待呢？

来源：可乐生活Color微信公众号

编辑：张子殷

审核：曾敏妍

签发：骆苹