最近吴卓羲&林峯难得合作

推出佢哋嘅第一只正式合唱单曲

《友情未完》

呢首歌唔单止係峯少

“完与未完”系列嘅第三篇

更係见证佢哋25年友情万岁嘅

干杯之作

两位美男子温柔嘅歌声

唱出岁月悠长不敌友情无价

佢两兄弟感情深厚

係全世界都知嘎啦

早前佢哋一起“披荆斩棘”

同框嘅瞬间观众就已经

梦回《大唐双龙传》

虽然佢哋依家

一个已经升呢为人父

另一位依然单身快乐

但都经历咗唔少风风雨雨

两位嘅感情同颜值都一样冇变

打风都打唔甩嗰种

喺佢哋感情不断升温之际

有网友就出声

话呢个“组合”

点解又少咗黄宗泽嘅？

话说林峯、吴卓羲、黄宗泽三人

虽然从来未试过合体演出作品

但佢哋出道经历相似

演戏水平又相当

大家好中意睇佢哋三个埋堆

虽然佢哋都唔止一次话

好想“三兄弟”一起合作

but结果……大家仲未见到有咯

见到吴卓羲同黄宗泽合体

大家就必定cue到林峯

最近林峯同吴卓羲合作得密

大家就开始戥黄宗泽唔抵啦

《披荆斩棘》冇掺Bosco玩

《大湾区的夜》又冇call佢

今次合作“友情之歌”又冇佢份

前几日有网友喺香港街头

偶遇到正拍紧时尚大片嘅

吴卓羲&林峯

阿Ron条潮裤成个垃圾袋咁

引发大家嘅热议添

当然啦

呢趟垃圾袋大片并冇Bosco份

所以大家不禁感叹

此时此刻

阿Ron同峯少“卿卿我我”

落单宗泽就喊晕

喺自己个“波记厨房”入面

～well～

佢哋三兄弟嘅友情

唔系非要用一首歌

或者一个综艺去证明嘅

佢哋每次合体

都会互怼、互相吐槽

如果唔係关系好到情比金坚

就唔会玩得咁放的开啦

有时候字字句句其实都係

可以两肋插刀嘅兄弟之情

成日有人话“谈钱伤感情”

但讲到借钱问题嘅时候

佢哋居然不约而同咁话

可以揾林峯借钱

相信大家都feel到

佢哋嘅情份同默契啦

如果佢哋三个有机会合体

势必超级精彩感（gao）人（xiao）

来源：可乐生活Color微信公众号

编辑：张子殷

审核：曾敏妍

签发：骆苹