近日
“细细粒”陈嘉佳晒出泳装照
已经塑身初有成效嘅佢
喺水边造型诱人
睇得出佢对自己嘅状态都好满意
细细粒从旧年开始减肥
到目前为止已经减咗100磅
下颌线、锁骨、手臂线条
都已经好有睇头
讲起自己要扚起心肝减肥嘅原因
係唔想自己（因为肥）早si过妈咪
“因为我哋冇亲戚同兄弟姊妹，
得翻妈咪一个好阴功的”
为咗呢个温馨嘅理由
细细粒决定调整好自己嘅身体
开始认认真真咁减肥
佢之前因为要做直播带货
一个季度会食成400只大闸蟹
两个月就食100个榴莲
钱係赚到了
但体重直逼300磅
身体指标亦超晒标
减肥阶段首先由戒糖开始
再慢慢减餐突破“樽颈位”
因为佢觉得减肥
一定要调整饮食
唔可以斋用一种方法
到依家佢身体嘅各种指标
都恢复正常
佢亦到觉得自己健康咗好多
成个人都自信晒
细细粒话自己本身就为食
总觉得食多一舊唔紧要
肥就肥、开心就好
但佢由好细个开始
就买唔到衫
肥足三十几年
都係妈咪用衣车帮佢车嘅衫
依家瘦咗成个人索晒
大家就开始关心佢嘅感情问题
不过对于呢件事
佢自己都觉好无奈
以前觉得自己係因为肥
所以冇男仔追
依家瘦咗都依旧冇乜男人缘
因此佢觉得自己
应该係“母胎单身”嘅体质
暂时先以事业为重哦
到最后佢都依然忍唔住
呼吁大家如果有好男仔
欢迎介绍下俾佢
睇嚟佢个人瘦咗
心境都会有唔同变化
//////////
最近电影《热辣滚烫》上线
贾玲减重100斤
就瞬间成为大家热议嘅话题
细细粒好后悔咁话
如果当初知道自己会减肥成功
都会拍翻部
“瘦身男女”嘅真人电影
依家已经错过呢个机会
佢亦绝对唔会俾自己肥翻
见过鬼都怕黑啦
细细粒仲有一个目标
就係今年夏天
要以120斤嘅身型见大家
仲话要穿bikini为自己骄傲一次
相信佢只要坚持健康方式
心中继续keep住对妈妈的爱
一定可以成功嘅
我哋一起期待下啦
来源：可乐生活Color微信公众号
编辑：张子殷
审核：曾敏妍
签发：骆苹
