“丁丁”丁子朗自从变身idol

参加《亚洲超星团》以来

油头粉面形象引起唔少争议

但同时佢嘅人气亦不断上升

唔知係咪为咗keep住人气同热度

佢就刻意keep住个“idol look”

最近几场show

佢都gel湿个油头、擦白粉底

化晒眼影咁出嚟见人

影相摆pose嘅时候

都选用面珠墩比心嘅甜美手势

呢个架势吓到同框嘅陈豪面露尴尬

唔敢同佢比一样嘅动作

对于爱豆造型嘅问题

丁丁自己都讲过

佢妈咪都曾经被造型吓到

但佢本人似乎一意孤行

唔太在意外界嘅声音

被大家问及造型问题时

丁丁推搪话係选秀节目常态

如果自己唔咁打扮

在节目中才更显奇怪

转个头佢又透露

最近有好几个广告商投诉佢

“警告”佢唔好再以呢个look见人

佢仲有啲犹豫

唔知转唔转look好

照丁丁咁讲

佢似乎对油头粉面idol造型

係情有独钟嘅

就算痛失广告商青睐

都要将呢份热爱坚持下去

▓▓▓▓▓▓▓▓▓▓▓░░░░努力加载中……

喺前几周嘅《超星团》节目中

丁丁被表扬演出情绪到位嘅时候

讲出“idol是不可以谈恋爱”这种

“遵守豆德”嘅油腻“情话”

仲话自己喺恰当moment

就瞬间落泪嘅技能

係自己过去经常拍戏练就嘅

氹到啲导师好满意咁哦

唔知係咪刷到丁丁讲嘅呢段话

喺后两日嘅一场珠宝活动上

同丁丁有千丝万缕关系嘅郭柏妍

被问及对方问题时

就选择避而不谈

除咗“此地无银三百两”咁

话自己冇避嫌之外

更用“支持公司所有人”嘅公关词

嚟水完个答案

时间夹得咁啱啱好

有网友就思疑

係丁丁提前教过郭柏妍

用“公关口供”嚟过关嘅

//////////

正所谓萝卜青菜

各有所爱啊

虽然丁丁呢个造型备受争议

更可能因为idol身份“痛失女友”

但亦有唔少人冧依家嘅佢

好似吴若希就唔止一次

赞丁丁进步好大

甚至话佢係“一百分女婿”添

如今好多网友认为

佢哋参加选秀结果早已内定

无论佢再努力

最终排名都係整定

丁丁就一而再再而三咁否认

更强调感谢公司俾呢机会

等佢有机会学新嘢&突破自己

就算最终失败

都係为自己努力一次嘅旅程

虽然油腻但努力向上嘅丁丁

得唔得你欢心咧

来源：可乐生活Color微信公众号

编辑：张子殷

审核：曾敏妍

签发：骆苹