由袁咏仪&江美仪主演嘅

电视剧《模仿人生》

早前就正式杀青了

电视剧拍摄完成后

最新海报亦出炉

两大女主角撞色相对

袁咏仪长发显气质

江美仪短发显干练

两位气场不相上下

but当大家睇到罗子溢嘅海报时

头脑即刻多咗几个问号

呢个係我哋平时认识嘅罗子溢？

子溢嘅面上冇纹路

皮肤更磨成零毛孔嘅光滑状态

加上整咗个新发型

一闪而过嘅时候

仲以为係边个男团成员

其他男角色嘅海报

都冇逃过磨皮、除皱嘅特效

不过就冇调整得咁over

▓▓▓▓▓▓▓▓▓▓▓░░░░努力加载中……

其实早喺上个星期

林保怡已经在吐槽

话自己被修图师

整成咗“塑料人”

佢喺新剧《刑侦12》中

饰演性格有啲奇怪嘅探员

着制服、揸枪、抓贼

本身就够有型

但修图师落重手帮佢P图

法令纹几乎磨平

令佢嘅面容睇起身胶感十足

吓到佢平时嘅标志性配文

Be Happy都唔想讲了

而喺佢身后嘅张振朗

都没逃得过修图师“毒手”

好多网友差点认错

以为海报上嘅佢係“孟鹤堂”

😅😅

〈张振朗〉&〈孟鹤堂〉

年初嘅时候

高海宁&马国明主演嘅

《夫妻的博弈》

亦推出咗人物造型嘅海报

里面嘅马国明被“精装维修”过

面部纹路、沟壑被“填充”

皮肤瑕疵被一键清除

标志性嘅皮肤松弛

特色的超薄嘴唇

全部喺修图师手上销声匿迹

瞬间“减龄”咗唔止20岁

但网友感慨

原本马明个样几有辨识度嘅

依家变成“假”明

令人睇到都觉得难受

遇到同样问题嘅仲有

《继承者们》海报上嘅林峯

当时剧集嘅最大卖点

就係佘诗曼&林峯久违搭档

好多观众为咗佢哋先追剧嘅

但宣传海报出嚟嘅时候

网友惊讶

点解冇咗林峯嘅？

再细睇兼加啲想象先发现

C位成个“郑恺”咁嘅男演员

就係大家期待嘅林峯

诸如此类嘅过火海报

真係不在少数

有人甚至因为海报被修容过度

导致大家以为佢去咗整容

其实

明星艺人自带包装

本身已经够索够chok

稍微调光调色就出大片

大家想追剧都係因为

应该中意艺人本身嘅模样+演技

海报虽然要展示剧中人最美一面

但林保怡话斋

唔使咁重手嘅

保留翻演员本身嘅样子

可能对新剧宣推

都会有更好嘅效果

资料来源：微博、小红书、剧照等

网络信息综合整理

编辑：郭   玮

一审：曾敏妍

二审：董华海

三审：骆   苹

【微店】羊晚文创线上商店

【邮政】中国邮政微邮局

【淘宝】羊晚生活馆

【小红书】Color班马

都可以买到《可乐生活》

▼▼▼