今年“春节档”电影入面

赚足话题同票房嘅

应该就係《热辣滚烫》啦

呢部电影由贾玲执导、主演

目前票房已经突破30亿

各位街坊睇完电影

係唔係有种熟悉嘅感觉？

原来电影中多个场景

喺广州番禺、佛山等地拍摄

比如片中嘅“小卖部”

就开喺市井浓厚嘅

番禺市桥关边路

充满烟火味嘅

番禺石碁镇夜市

番禺化龙镇龙源路

都出镜率极高嘅

瘦身前嘅女主角

经常行嘅路就係

南沙灵岗中桥

充满生活气息

男女主角第一次约会

係喺佛山中山公园

唔知有几多朋友仔

嚟过呢度拖手仔、倾密偈呢？

而女主瘦身时

跑步、练拳嘅超燃片段

就喺佛山三水北江大堤拍摄

呢度江面开阔、风景优美

以前就係一个小众打卡地

呢次经过电影嘅“宣传推广”

大堤再度爆红

咁多出片嘅取景地

我哋可以趁周末佢打卡啦！

//////

呢部电影热议话题之一

係瘦了100斤嘅女主角贾玲

从宣推到预告片

贾玲都冇正式露脸

预告片就得一个剪影

show出苗条嘅身材

电影上映后先有正面镜头露出

真係令大家大为惊叹

大家都发现瘦身后嘅贾玲

穿搭都变得精致、有气质

佢嘅时尚资源明显激增

参加活动下下有大牌加身

仲登上咗时尚杂志封面

推出第一首自己写嘅歌

《一切都来得及》

在MV中瘦身前后嘅佢对唱

画面感人

穿上黄色嘅礼服裙

梳起大波浪发型

亦係完成电影中嘅愿望

礼服收腰高衩设计

显腰细嘅同时大晒索腿

身材变化之后

贾玲嘅穿搭风格都有好大改变

瘦身前佢经常着卫衣+半裙

整体望落可爱俏皮

依家佢经常穿着

chok到爆嘅裤装

成个人望落精神爽利

有职场女强人嘅feel

佢嘅搭配都係舒适为主

仲有提升气场的作用

简直就係打工人穿搭教科书

Color君仔细研究咗一下

发现只需要下面几件单品

大家都可以get贾玲同款造型

⬇️⬇️⬇️

01直筒裤

之前贾玲接受采访时讲过

自己下肢比较粗壮

係“天选健身人”

所以无论咩质料嘅裤装

佢都会选能够修饰腿型嘅

直筒裤

直筒裤唔会将腿包得太紧

又唔会过于松散

睇落休闲又大方得体

02宽肩西装

贾玲最近造型仲

最出圈嘅係呢套西装套装

亚麻西装搭配

一set嘅西装裤同帆布鞋

穿搭精致、气质文艺

贾玲最钟意嘅搭配之一

係圆领T仔&宽松西装

避免将西装穿得过于正式

多一份休闲轻松feel

如果想显得干练一啲

着西装嘅时候

可以把衫袖稍微拉起

露出手臂最瘦嘅部分

亦可以有显瘦效果

03夹克、皮衣外套

贾玲嘅穿搭仲有“带货”作用

呢件运动品牌嘅短款夹克

据闻已经卖得火爆

贾玲着嘅夹克以短款为主

算係改良版嘅飞行夹克

Chok得嚟又好百搭

唔怪得会咁受到大家喜爱

硬挺质地嘅皮衣

其实便于藏肉肉嘅

加上带力量感嘅衣领

看似松垮实则塑形

唔知大家有冇发现

贾玲着短款外套时

有一个“小心机”

就係内搭白T&露出下摆

让整个穿搭造型更有层次

04牛仔外套

作为潮流元素

牛仔衫裤真係永不过时

想将牛仔穿出质感

试下从头到尾全套同色牛仔

袖口嘅卷边同裤边呼应下

整体性&细节感都兼顾到

简单嘅穿搭

亦要配衬简单的头发造型

除了穿礼服的“大波浪”

贾玲最近大部分都係以

半扎短发、低马尾发型示人

只要有宽肩外套、直筒裤、

牛仔衫裤以及白色T、白衬衫

打工人就可以一个星期

穿出7个不重复嘅造型啦

周末去逛街shopping嘅时候

不如拣翻件单品奖励自己啦~

来源：可乐生活Color微信公众号

编辑：张子殷

审核：曾敏妍

签发：骆苹