77岁阿姐汪明荃

先前一连两晚喺红馆开个唱

时隔7年再开show

早前阿姐宣布

呢两晚会有5位巨星

会嚟做嘉宾撑佢喔

去到第二晚

有大家好期待嘅

杨千嬅回归红馆

仲记得20年前的“开年大典”

阿姐做千嬅嘅嘉宾

现场演唱《少女的祈祷》

今次再重遇

千嬅笑住话

自己从少女唱到中女

依家又同阿姐变翻少女

原来廿年就咁过咗

阿姐嘅老公罗家英

更係现场展示咗

年近80岁“霸总”嘅浪漫

家英哥中气十足咁

唱翻首浪漫兼“长气”嘅

《only you》

舞台后面嘅大屏幕

特登搭配红色心心粉红泡泡

真係冧到爆啊

今次阿姐为开show

都真係落足力准备

之前密密跑宣传

搵唱作人林家谦

做咗首专属“上头”主题曲

《Make my day》

呢首歌仲拍埋MV

为咗呈现靓靓效果

敬业嘅阿姐

着高踭鞋企咗5个钟

事后佢腰痛咗好多日

佢仲主动同一班

“年轻新血液”

齐齐拍视频跳劲舞

完全跟足时下啲潮流嘢

/////

呢两晚嘅show

阿姐每晚唱足30几首歌

《迷人pink lady》《热咖啡》

《万水千山总是情》等等

前奏一响起

引起全场大合唱啦

阿姐嘅百变造型相当磢镜

坚·着高踭加换靓衫咯

真係诚意十足

有网友吐槽

阿姐年纪大

啲表现好麻麻喔

反应慢半拍

唱歌又走晒音

同陈慧琳合唱时

啲音“完全拯救唔到”

更多网友为阿姐点赞

年近80岁的人又唱又跳

仲要记埋流程

全程能坚持落嚟

已经好犀利啦

Anyway~

希望阿姐身体健健康康

继续如佢所讲

“大家肯听，

唱到100岁都愿意”啦！

资料来源：微博、小红书

网络信息综合整理

编辑：饶   禧

一审：曾敏妍

二审：董华海

三审：骆   苹