TVB啱过完57岁生日

就轮到陈炜过生日啦

最近佢晒出自己嘅庆生照

已经51岁嘅佢皮肤紧致

腰间0赘肉无敌fit

圈中唔少人都送出生日祝福

“被雪藏”嘅炎明熹都有现身

以“囡囡”身份

祝“妈咪”生日快乐

之前喺《青春本我》里面

陈炜同姜皓文搭档做夫妇

GIGi就係演佢哋嘅囡囡

佢哋嘅情谊延续到今日

真係令人羡慕

▓▓▓▓▓▓▓▓▓▓▓░░░░努力加载中……

仲记得喺台庆夜红地毡上

陈炜挽住带“爸爸光环”嘅萧正楠

亮相时超有气场

炜哥精致嘅妆容无懈可击

白滑香肩非常诱惑

举手投足魅力四射

皮肤状态好到令人羡慕

殊不知佢喺上台之前

高踭鞋唔小心卡到楼梯嚹隙

好彩冇发生大意外

事后佢仲笑住话

当时失去平衡

就本能咁乱搲求救

搲到萧正楠背脊都损晒

引到大家都爆笑

仲识得咁样讲笑

证明当时搞笑多过危险

但都希望大家以后凡事小心

以免真係有咩冬瓜豆腐

<冬瓜豆腐：冬瓜和豆腐都极易损坏，比喻损伤、意外或不测，用于提醒他人小心行事>

//////////

陈炜透露自己

啱啱完成《巨塔之后》嘅拍摄

自己喺戏中会饰演一个

无比有钱嘅生意人

同佢搭档嘅宣萱俾足戏

令佢喺对戏嘅时候

都可以欣赏到对方嘅演技

而到咗《非份之罪》

陈炜“剧抛式”变身

饰演一个极度贪财嘅角色

喺剧中同前辈李家鼎

有大尺度床戏

拍摄嘅时候据闻好激烈

搞到“鼎爷”事后要食镇静剂

完全唔同风格嘅人设

炜哥都可以丝滑切换入戏

难怪大家咁期待

佢嘅新剧上线啦

佢参演嘅《非常检控官》

好快就会出街同大家见面

佢喺里面同男主角马德钟

会有错综复杂嘅关系

想欣赏炜哥演技嘅你哋

记得唔好错过啦

资料来源：微博、小红书、剧照

网络信息综合整理

编辑：郭    玮

一审：曾敏妍

二审：董华海

三审：骆   苹