Color啲friend

都能唱会跳多才多艺

andy苏志尹

从《中国好声音》“毕业”后

不断进步，用音乐证明自己

11月底

佢喺羊城创意产业园后车站

举行“初心者”音乐交流会

可乐君梗係要去捧场啦

现场布置好温馨

舞台同观众嘅距离好近

嚟到现场嘅都係

从苏志尹出道开始

陪住佢一起成长嘅

媒体老师、亲朋好友

开场唱起嘅《失重的眼泪》

係苏志尹参加

《中国好声音》时创作嘅作品

之前佢都有同我哋分享过

呢首歌创作嘅背景故事

《神爱世人》

係佢少有嘅粤语翻唱作品

从啱啱出道完全唔识广东话

到依家可以深情翻唱粤语歌

佢嘅进步大家有目共睹

andy苏志尹谦虚咁话

怕大家听出唔标准嘅粤语

呢首歌嘅歌词佢背咗好耐

而在场所有人都被佢歌声感染

更鼓励佢以后尝试创作粤语歌

《Moon & Sun》係佢前段时间

推出嘅新EP里面嘅主打歌

现场演绎又係另外一番味道

一阵变身吉他小王子

一阵又同音乐人玩rap

苏志尹展示咗佢嘅多才多艺

当晚嘅高潮係佢献唱3首新歌

《初心者》係今次交流会嘅主题曲

佢希望自己一路keep住爱音乐嘅初心

继续喺音乐道路上创出奇迹

▓▓▓▓▓▓▓▓▓▓▓░░░░努力加载中……

苏志尹嘅家人

都有嚟现场为佢打call

喺讲起自己曾经迷惘、焦虑嘅时候

佢特别用妈咪听唔明嘅粤语嚟讲

怕家人担心嘅呢份心思

真係好sweet

主持人特别默契咁

将呢段“不能说的秘密”翻译成

“andy会在大家支持下好好努力”

就算係被大家“呃”咗

相信佢妈咪会感到暖心&开心

交流会喺休息间隙

播放咗苏志尹嘅《练爱》MV

video里面稚气青涩嘅小男孩

如今已经茁壮成长

但佢依然不忘初心

为自己嘅梦想一直在努力

//////////

值得一提嘅係

苏志尹今次演出嘅场地后车站

位于广州黄埔大道中嘅羊城创意产业园

平时係一间嘅台式餐厅

佢嘅小舞台嘅音响设备

都係专业级嘅

特别适合举行小型演出噶

感兴趣嘅朋友可以关注一下啦

图片：主办方提供

编辑：郭    玮

一审：曾敏妍

二审：董华海

三审：骆   苹