天底下

居然有免费嘅午餐？

来“广东女神”李彩娇嘅家乡粤西

体验下有声有色嘅年例啦

主人家请客

从农历正月至二月底

去粤西玩最着数

因为各村会陆续办年例

其中嘅重头戏就係办宴席

红彤彤嘅省凳从村口排开

主人家会宴请

亲朋好友和乡亲邻里来食大餐

无论识唔识主人家

攞住箱饮料就可以随到随食

宴会好似一餐“海鲜自助”

蒜蓉扇贝、白灼虾蟹、爆炒鲜鱿……

海鲜啱捞上来就上枱

新鲜得嚟煮法花样百出

细路仔cosplay

除咗食大餐

粤西嘅新年巡游都不容错过

飘色最具观赏性

集齐咗“凌空飘”魔法、

萌娃cosplay等盏鬼嘢

细路仔扮成哪吒、关公等角色

靠住一支竹喺半空中飘然欲飞

被拣上表演飘色嘅小朋友

要够勇敢、够淡定先得

因为演出前都要准备好耐

所以有时会见到

有小朋友淡定到瞓着咗

“村晚”有睇头

来到村落中

唔好错过非遗版嘅“村晚”

号称舞蹈界“活化石”嘅傩舞

400几年历史嘅高州木偶戏

都会喺村口门前上演

去到高州随便一块空地

都可以係木偶戏嘅舞台

只要锣鼓声响起

木偶戏就会上演

向大家道出粤西年俗中的故事

喺雷州、麻章、吴川等地

戴住浮夸面具嘅人

入家门先唔使惊

佢哋係来送福嘅傩舞演员

每家每户嘅庭院都係傩舞嘅舞台

来粤西过大年

既有豪气嘅大餐

又有非遗“重头戏”

真係年味爆棚啦

资料来源：《可乐生活》723期、

羊城晚报、小红书等

编辑：黄译萱

一审：曾敏妍

二审：董华海

三审：骆   苹

【微店】羊晚文创线上商店

【邮政】中国邮政微邮局

【淘宝】羊晚生活馆

【小红书】Color班马

都可以买到《可乐生活》▼▼▼