TVB57岁生日庆典

近日喺将军澳电视广播城

热热闹闹咁举行啦

事关TVB邀请咗

近300位合约艺人

以及艺人好友“回家”助庆

▓▓▓▓▓▓▓▓░░░░努力加载中……

个个艺人盛装打扮

以最完美嘅状态现身红毡

为今届有“最佳红毯甫士”奖

艺人行过嘅时候

都尽全力展示自己

最后呢个“扮嘢”奖

就被冼靖峰“一chock西装”

同刘佩玥嘅“甜爆飞吻”攞到

相信大家都心服口服嘅

喺台庆预热嘅时候

好多人预测今届舞台嘅爆点

但到咗真正现场惊喜不断

“赢家”名单大洗牌

▓▓▓▓▓▓▓▓▓░░░░努力加载中……

啱啱宣布自己就快做爸爸嘅萧正楠

喺台前幕后都收获好多“恭喜”

虽然翠如BB冇现身

但阿箫行到边度都自带光环

佢喺台庆夜嘅特别环节

“时尚盛宴”中行catwalk

自信非凡嘅阿箫

一上台就爆开胸肌

一企定仲露埋点

诱惑度即时爆灯

当大家以为佢赢晒嘅时候

我哋个friend陈山聪登场

直接将胸肌大方外露

仲有一对高过人头嘅“翅膀”

造型非常抢眼

喺山聪嘅“维密”式挑衅下

阿箫套deep V冷衫即刻弱晒

“视帝”原来唔止演戏叻

原来“抢戏”都有一手

“台庆剧”今次直接搬上舞台

由年轻有为嘅小花小草主演

先唔讲演技如何

斋个画面就够晒养眼

久违《爱回家》嘅周嘉洛

係呢套“台庆剧”中嘅大男主

佢会同“家”里面各种“物件”互动

人设几过瘾得意嘅

大家正沉浸式重温

“金城安”嘅戏份同演技时

一把怪声传出

大家努力寻找后发现

原来係扮成按摩椅嘅林秀怡

前两日佢先因为

同男观众啜紫菜成为焦点

今次又扮到鬼五马六

仲将自己变成人肉“洗面奶”

节目创意够晒大胆

但唔少观众去反映话

呢part嘅舞台令人观感不适

毕竟电视节目观众群体广泛

搞笑都应该注意尺度

虽然早就公开

台庆特别嘉宾係林峯

连演出歌单都早早流出

但观众依然好期待

见到佢嘅舞台

不出其然

chock峯压轴登台

等到鼎爷、修哥等老前辈

已经目光呆滞几乎瞓着

好彩峯少啲经典够power

前奏响起就炸醒晒全场

大家都不约而同齐声合唱

峯少更行近观众互动

成功引发阵阵欢呼

当佢见到热情似火嘅麦美恩时

忍唔住上前嚟个紧紧拥抱

令大家梦回《使徒行者3》

仲记得当年喺《使徒3》里面

麦美恩饰演林峯嘅徒弟

首次出任务就光荣牺牲咗

林峯嘅呢个拥抱

好似师徒再聚咁

有啲温馨又有啲欢乐

值得一提嘅係

今年台庆大会司仪阵容鼎盛

由汪明荃、陈贝儿、麦美恩、林晓峰等

16位大会司仪合作主持

今次台庆特别安排咗分会场画面

由最近人气爆灯嘅Oscar做主持

带大家睇台庆后台嘅各种精彩

直播画面会

喺主会场OR分会场切换

但部分用户就反应个APP有bug

无法切换到分会场嘅画面

唔少Oscar粉丝

係因为内地恋综开始冧佢嘅

好多都係非粤语地区嘅朋友

睇直播嘅过程中

佢哋表示自己全程听唔明

但因为想睇靓仔

所以硬坚持咗4个钟头

TVB今次都算搵啱咗主持

帮台庆集合咗一批

全程听唔明粤语嘅观众

都算係意外嘅小收获啦

唔知今次“万千星辉贺台庆”

最touch你心嘅係边一个环节咧

留言同大家一起分享啦

资料来源：微博、小红书、剧照等

网络信息综合整理

编辑：郭    玮

一审：曾敏妍

二审：董华海

三审：骆   苹