日前，谢东闵、朱智贤

无预警地双双宣布分手

网友惊讶之余仲纷纷补刀

话“分手来得太迟”

谢东闵与朱智贤相恋多年

但一直有各种传言

两人于2017年爆出绯闻

直到2020年先正式公开

2020年嘅时候

朱智贤被传

“偷食”人夫黎振烨

当时朱智贤、黎振烨合作拍戏

黎振烨老婆怀有身孕

两人被影到喺车上举止亲密

同食心形蛋糕

随后

朱智贤承认出轨并道歉

谢东闵全程陪伴

并表示“係自己嘅责任”

成日工作忽略咗朱智贤

这样一来

谢东闵间接承认咗男友身份

获得网友同情

但亦被调侃为“绿帽侠”

//////

事情发生后

三个人的演艺事业都受影响

不过谢东闵一直陪住朱智贤

两人感情逐渐升温

复出后嘅朱智贤

都得到唔少拍戏机会

喺TVB重头戏《破毒强人》

《企业强人》中有唔少戏份

喺《企业强人》里面

朱智贤同谢东闵呢pair

仲首次合作拍剧

一个身材正、一个斯文look

俊男靓女被赞好match

但拍戏过程中

两人被曝喺片场零交流

大家已经怀疑喺情变先兆

朱智贤当时解释话

两人在剧中係敌对关系

要keep住状态

啱拍完《企业强人》

朱智贤就宣布离巢

谢东闵冇几耐之后

就“妇唱夫随”离埋巢

其实

谢东闵啱喺《本尊就位》担正

“闵大人”角色被赞最好睇

突然离开TVB

唔少观众都表示不舍

//////

谢东闵同朱智贤

二人早已同居

又一前一后离开公司

唔少人都以为佢哋係好事近

但冇谂到

佢哋捱唔过“七年之痒”

宣布分手

分手po文中两人就话

要以不同身份

继续支持和守护对方

只想低调处理私人事情

之后就不再做回应

消息一出

唔少圈中好友

喺谢东闵评论区留言

俾晒手势咁叫佢加油

依家两人和平分手

希望之后可以各自安好啦

资料来源：微博、小红书等

网络信息综合整理

编辑：黄译萱

一审：曾敏妍

二审：董华海

三审：骆   苹