广东秋天终于来啦？

受冷空气影响

前两日广东最高气温降至2字头

大家感受到凉凉秋意

不过呢

“入秋体验卡”余额不足

天气预报话

到26号气温将回升到3字头

唔好等广州嘅秋天啦

想要留低丝丝凉意

就不如先“提现”

舌尖上嘅清凉啦！

Color君发现广州有两间

“薄荷曼波”小屋

可以食到冻到你牙震嘅

超爽薄荷味甜品

快啲跟我哋去试下啦~

--满口甜心--

开喺龙洞嘅

满馜·Fulroma

连店面都係薄荷奶油色

未入门就感受一阵凉风

从薄荷绿色门口入去

就沉浸在清新氛围感中

点一份高颜值嘅

“薄荷套餐”

最受欢迎嘅当属

薄荷巧克力巴斯克

绵密嘅芝士&甜到腻嘅朱古力

被清新嘅薄荷中和

好似带你去咗夏天嘅海边

必试嘅仲有

薄荷巧克力卷

蛋糕卷松软

夹住丝滑嘅薄荷奶油

朱古力粒在口中爆开

口感超丰富

作为搭配嘅饮料

首选薄荷椰子冰

一入口就超凉爽

感受嘴巴中开冷气嘅快感

“薄荷家族”仲有

duangduang上头嘅薄荷奶冻

分层渐变嘅薄荷拿铁

听讲仲会推出新品

令人有咗“下次再来”嘅期待

--狂啜“牙膏”--

明亮嘅薄荷绿好抢fo

冰淇淋店“WonderCup”

就算开喺角落头

仍然得到好多朋友嘅喜爱

来呢个薄荷屋顶小屋前

买只好似牙膏薄荷口味嘅

酸奶冰淇淋甜筒

get大热网红大片啦

冰淇淋中嘅意大利罗马薄荷

味道超似薄荷牙膏嘅

如果你喺“薄荷控”

可以挑战下

净薄荷味冰淇淋

原味＆薄荷味嘅双拼甜筒

造型好似一朵花咁

酸奶味道更浓

食落又唔会太甜

比起其他冰淇淋

酸奶冰淇淋更加低脂健康

唯一嘅缺点就係融得快

一上手就要狂啜

你仲可以问店员要个碗仔

装住慢慢啜嘅

薄荷朱古力冰沙

双重冰凉爽到爆标

大家食嘅时候

记得捏碎啲朱古力

等佢哋更好咁融为一体

店里面嘅棉花糖味冰淇淋

都好呃得下人

原来里面冇薄荷嘅

但就可以打卡清新薄荷绿

仲有得意嘅云朵公仔陪你食~

试咗咁多道“薄荷曼波”

“薄荷脑”係唔係

都俾我哋钓咗出嚟呢？

快啲来留言区集合啦！

部分资料：广州天气

图片：张子殷

编辑：黄译萱

一审：曾敏妍

二审：董华海

三审：骆   苹