广州艺术博物馆旧馆

“闭关”咗近一年

寻日佢更名为

“广州人民艺术中心”

重新开门迎客啦

门口嘅广场上

依然有大家好熟悉嘅白鸽

仿佛喺度恭候多时嘅老朋友

馆内嘅整体结构

依然保留住旧馆嘅装修

所以曾经嘅网红打卡点

都仲喺度啵

例如圆形镂空环环相扣嘅

圆柱形天井位

由上往下俯瞰深邃对称

从下而上仰视

空间感就特别强

回旋错位嘅木扶手楼梯

虽然喺中心内唔显眼嘅角落

但对摄影发烧友依然吸引

好多人喺度揾角度影靓相

过道嘅墙壁翻新到光洁雪白

加上有落地玻璃窗加持

打卡影相好容易出片

露天嘅中心花园依然空旷

绿植被打理得好精神

行出嚟可以呼吸到

大自然嘅清新气息

以瀑布为背景摆个pose

影相都几唔错噶

艺术中心更名重开

展览全部重新布局设置

俾我哋全新嘅观感

书法展清雅宁静

展示各位大师嘅手笔

或苍劲有力，或温文儒雅

作品风格多样

书法展展厅比较大

工作人员不时会提醒大家

观展要保持安静

以免打扰到其他观众嘅雅兴

民艺精品展工艺品多

展品精致

细节巧夺天工

唔少作品都可以见到

大家对美好生活嘅祈愿

例如喺公鸡公仔上

画上“出入平安”

“一帆风顺”等祝福

今年最新嘅

文艺两新人才作品展

就将好多新时代嘅元素

同最传统嘅工艺

相结合而制成作品

AI绘制嘅西关小姐

青花瓷色的广州塔等等

都係新一代艺术家嘅作品

最受潮人欢迎嘅

一定就係动漫馆里面嘅

中外经典动漫展啦

大家好熟悉嘅卡通人物

阿童木、美少女战士等

都有剧照、画报喺橱窗里面展出

唔知大家睇唔睇得出

係边个名场面咧?

龙珠嘅IP有几个打卡点

同“悟空”比心心

与“大猩猩”决斗

边个动作更架势

哆啦A梦嘅打卡楼梯

“大雄”“静香”&“叮当”公仔

等住大家同佢哋排排坐影相

蓝精灵家族

被堆叠成4层大“蛋糕”

随便点影都係大片

背景墙上仲有个

鬼鬼祟祟嘅“格格巫”

“配合”你影相摆拍添

老夫子漫画

都有专门嘅拍摄场景

仲有复古绅士帽、

波点头箍等等道具

帮你“穿越”到

老夫子嘅年代添

手绘漫画隧道好啱打卡

不妨细心一啲睇睇

可能会发现

自己中意嘅动漫噶

同好多博物馆一样

广州人民艺术中心逢周一闭馆

大家记得唔好扑空哦

周二～周日 嘅开放时间为

9:00—17:00（16:30停止入场）

目前暂不需要门票&预约

大家得闲就快啲去打卡啦

图片：饶   禧

编辑：郭   玮

一审：曾敏妍

二审：董华海

三审：骆   苹