获“最佳女配角”后受冷遇
“星”二代、富家女
高学历、好演技……
虽然有咁多光环叠加
依然难撼TVB高层心
40岁“御用癫婆”赵希洛
今日凌晨自认已经“离巢”
今日凌晨
赵希洛po出一个视频
身着bling bling裙装
面带微笑挥手告别
配文写咗“小作文”
逐个点名感谢众人
文末仲强调叫大家
一定要睇寻晚出《爱回家》
呢部系佢在TVB现有嘅唯一存货
赵希洛扮演嘅无知May
都得到咗好多观众嘅喜爱
佢係剧中大小姐龙力莲嘅秘书
早前有Fanny加入
同佢组成“双秘书”
好似已为佢离巢做好铺垫
铁打嘅龙力莲、流水嘅秘书
睇嚟May都要离开大小姐了
有观众就伤心咁问：
唔可以多啲来客串？
May仲同邓永健饰嘅Ivan
组成咗大热CP“IM恋“
呢次突然离巢亦解释咗
早前无端分手嘅谜团
而睇返寻晚嗰集
Ivan对May恋恋不舍
仲秘密跟踪保护
两人关系似乎有升温
但接下来嘅“IM恋”
似乎就有啲难救了
//////
喺TVB捱咗16年
赵希洛参演过好多大热作品
饰演嘅角色有啲唏嘘
有演技但未担正过
一路走来都几无奈
佢本是金融+法律系高材生
参加2007年“港姐”进入“五强”
同好姊妹黄智雯都无缘三甲
后来参加完演艺班毕业后
签约入TVB，圆梦做演员
同一届“港姐”、同样落选
黄智雯之后就得到高层赏识
早早晋升“一线小花”
仲攞埋“大马视后”
而赵希洛就一直跑龙套
饰演嘅角色戏份少
不过演绎就足够出彩
特别係变态、恶毒嘅奸角
更係演到入木三分
所以得咗“御用癫婆”嘅名号
比如《八卦神探》中
佢一人分饰两角演“变性人”
从不受亲人待见嘅“余嘉勇”
到四处求爱嘅“钟姑娘”
自然转换嘅演绎令人叫绝
在《实习天使》中客串精神病人
为咗令剧情更加有睇头
佢主动加戏
亲吻“老戏骨”蒋志光
（蒋志光都“离巢”了）
在去年播出嘅
《十八年后的终极告白2.0》
佢终于做“女二”
狂掴“视帝”陈山聪
发现老公出轨好友后
进行一场大报复
诡异眼神加奸诈笑容
睇到人后背发冷噶
可惜剧集收视不佳
亦冇太多观众关注到佢
而最精彩嘅“疯癫”角色
都要属《今宵大厦》系列
佢係第一部中饰演失孤嘅何太
唔单止精神唔好
仲整日搞出血淋淋嘅场景
赵希洛自己都话
“何太係佢最恐怖嘅角色“
凭借呢个角色
佢终于夺得“最佳女配角”
当时由好姊妹黄智雯颁奖俾佢
现场佢同黄智雯抱成一团
喊到妆都花埋
讲颁奖词嘅时候佢就话
终于可以俾父母一个交代
证明自己可以做好演员
谂来呢一路令佢最伤心嘅
应该係得唔到父母支持
//////
赵希洛係出名嘅富家女
爸爸係律师、商人赵崇康
妈妈则係前台柱梁小玲
父母就希望佢可以
继承父业做“律政强人”
但赵希洛细细个
就有违父愿、热爱演戏
加入演艺行业嘅赵希洛
被迫断咗屋企嘅支撑
攞工资、搭地铁、食“麦麦”
直到后来父母拗唔过佢
畀咗佢一间半山豪宅同豪车
//////
而对于“疯癫”角色嘅定位
赵希洛就表示自己唔太介意
除咗惊会戏路变窄
依然期待更多这类挑战
但冇谂到
呢个交代只係一时风光
得奖后赵希洛待遇唔升反降
喺今年嘅《隐形战队》
只是做人肉背景板
“二线”变“四线”、
与新人同level
角色重头戏依然係“变态”戏
虽然后续戏份有加重
但始终都係破案“工具人”
所以赵希洛选择离开TVB
大家好似并唔意外
佢喺告别推上表示
离开只係暂时嘅
之后会一直坚持做
“发光发亮嘅演员”
对于佢嘅离开
有网友都表示不舍
另外大家同样担心
早前盛传唔续约嘅黄智雯
会唔会跟住好姊妹一齐离开？
MORE今日娱乐看点
袁伟豪催邓佩仪拍戏
邓佩仪中午在发文说
自己终于毕业攞到学位
以后将会继续留在加拿大
艺人朋友们评论区纷纷祝贺
只有阿Ben袁伟豪留言话：
“快啲返来拍戏”
马国明再演“高志宏”
早前高海宁就透露
有新剧在机场拍
今日有网友机场偶遇“马明”
之前马国明在《冲上云霄2》
演机长令人印象深刻
呢次嘅《壮志骄阳》
唔知两人有冇合作呢？
威尼斯电影节现场官宣
导演李鸿其凭首部
自编自导电影《爱是一把枪》
拿下本届威尼斯“未来之狮”奖项
在发表获奖感言的重要时刻
李鸿其承认与王紫璇恋情
并感谢了爱人的鼓励
来源：可乐生活Color微信公众号
编辑：张子殷
审核：曾敏妍
签发：骆苹
