早前

马国明、吴业坤、郑衍峰

一班“新闻男王”搭上

“二世祖”孔德贤、“冇名阿sir”黄霆锋

再加上乱入嘅胡鸿钧、丁子朗

齐聚佛山&茂名出席活动

台前佢哋一本正经

幕后就开始搞搞震

重现《新闻女王》大结局

“女王们”递水一幕

五人同饮一支水

俾网友笑佢哋一班“癫佬”

郑衍峰接第一棒

“网志部大佬”Roy

就係行动快过人哋

第二棒孔德贤扮晓薇

剧中金发造型

俾人爆赞靓仔

第三棒吴业坤最迫不及待

蹦蹦跳跳扮刘艳扮到十足

唔怪得剧中係一pair啦

第四棒係啱完婚嘅马明

唔止着得红当当似新郎官

连饮水都keep住敬酒姿势

第五棒就係

Color嘅big friend“石敢当”

接过“马季”嘅喜酒

将四人口水尾饮到尽

五个靓仔五种穿搭

其中坤哥嘅叠穿装

最受到大家关注

网友觉得好有型又暖笠笠

早前《新闻女王》

“结局夜终极直播”

大家嘅冬装搭配

亦都俾大家奉为“穿搭教材”

冬装叠穿得当

就算遮到密密实实

都可以keep住时髦

//////

今期Color帮大家

搜集到几种混搭公式

保证令你有风度又有温度

出得户外，入得办公室

轻松成为最识搭配嘅潮人！

长短拍硬档

广州嘅天气忽冷忽热好魔幻

我哋就用魔法嚟打败魔法

T恤确实超百搭

斋着一件短袖似乎又dry咗

仲觉得稍微差咗啲温度添

叠加长袖打底

唔单止带出造型嘅层次感

起风仲未係好冻嘅时候

咁着就啱啱好

黑白基础色做底

可以突出彩色短袖

如果反转搭配

鲜艳嘅打底衫

就会成为你穿搭嘅最大亮点

除咗长短T叠穿

冷背心搭配唔同长短嘅内搭

都可以有唔一样嘅感觉

同色系长袖令造型简约干净

搭短袖就清爽轻松

大家可以根据自己嘅体感

让长长短短嘅服饰互补互助

混出让自己最舒服嘅穿搭

工装不low法

多袋工装马甲

搭唔好就似钓鱼佬

冲锋衣唔小心

仲会穿成外卖哥哥嘅感觉添

用啲撞色单品或者同色配件去混搭

可以提升佢哋嘅时尚感

就唔惊工业风显low啦

选择工装马甲时

可以选有拼接属性的款色

重磅厚实啲嘅面料

更能修饰肩部线条

里面搭配纯色卫衣

就点都唔会出错

最后戴翻顶暗色渔夫帽

街头酷boy嘅感觉出晒嚟

白色冲锋衣

可以试下同撞色短裤配搭

一秒变身“山系男孩”

再花啲心思照顾埋鞋袜等小细节

最潮工业style就get到晒

无论户外放飞or上落班通勤

挡风又透气的舒适感

让人会变得很放松

咪以为工装係男仔专利啊

女仔用风衣搭工装裙

运动得嚟仲有俏皮感

怕冻嘅就衬翻对长筒袜仔

拉长腿部线条

老西新主意

西装向来走斯文老派路线

但好多后生仔

惊自己唔够绅士hold唔住

Oversized嘅西装

其实

运用“三文治模版”嚟搭配

打底同西装同色

中间用“无彩色系”做过渡

有层次得嚟唔会太花咈

如果想更有活力啲

沉色老西就要搭亮眼衬衫

有啲条纹图案都几唔错噶

冇人规定西装一定要衬西裤嘅

穿牛仔裤就更加休闲

老爹鞋、板鞋随意搭

拍拖、开趴、会兄弟

咩场合都啱key

各种季节嘅服饰碰撞下

新鲜感好容易有

如果想get更多潮流时尚资讯

记得关注《可乐生活》啦！

来源：可乐生活Color微信公众号

编辑：张子殷

审核：曾敏妍

签发：骆苹