巴黎时装周正在上演

每日都有唔同嘅

大牌fashion show上演

唔知有冇边个品牌嘅潮品

击中你嘅小心肝咧

喺前两日嘅品牌大show上

大家见到好多熟悉嘅面孔

潮搭上身零舍唔同

欧阳娜娜

一直係少女穿搭模版

喺时装周上

佢用一件白色印花短袖T

搭出咗时尚叠穿新look

周冬雨近几年风格大变

中意走暗黑嘅成熟风

佢咁嘅小骨架身材

可以将廓形版型嘅衣服

穿得好好睇

宋茜嘅穿搭不嬲有个性

今次佢用全包眼线嘅妆容

衬深色系嘅服装

加上凌厉嘅眼神

造型可以话chok出新境界

而喺呢场活动上

最吸引大家目光嘅

应该係首次现身时装周嘅

全智贤啦

只见佢一身大牌潮服

简单嘅黒长直发气质非凡

不对称设计嘅下装

行过都脚下生风

佢可能係想衬翻服装酷酷风格

打造一种冷酷嘅时尚感

就连喺影相嘅环节上

都keep住“苦瓜面”

一回头、一撩头发

气场全线炸开

同当年喺《来自星星的你》中

饰演嘅大明星 “千颂伊”嘅感觉

几乎一模一样

大家更注意到

全智贤虽然已婚兼为人母

但无论係看皮肤

抑或身材管理

都靓到冇得弹

佢喺机场戴住墨镜嘅生图

非常有大牌嘅风范

摆明就係自信爆棚

边度都可以係舞台嘅感觉

当时佢带住黑色冷帽

身穿黑白搭配嘅套装

型到冇朋友

但被大家cue佢比心嘅时候

又“破功”少女味爆灯

一如佢喺《蓝色大海的传说》中

扮演美人鱼“沈清”时

可以单纯天真嘅少女look

换身衣服又可以变超模

大家对“沈清”扮“有钱人”逛名店

一本正经胡说八道嘅情节

印象特别深刻

同时亦被全智贤

嗰个moment嘅演技惊艳到

见到火力全开嘅全智贤

网友大呼韩剧奔现

只在电视框中睇到嘅

“千颂伊气场”

终于可以喺现场近距离见证

话说

全智贤已经好几年冇拍剧

今次状态大勇现身时装周

我哋係唔係可以dream一个

佢复出拍剧再show演技咧

资料来源：微博、小红书、剧照等网络信息综合整理

编辑：郭   玮

一审：曾敏妍

二审：董华海

三审：骆   苹

【微店】羊晚文创线上商店

【邮政】中国邮政微邮局

【淘宝】羊晚生活馆

【小红书】Color班马

都可以买到《可乐生活》

▼▼▼