二月中已经风光大嫁嘅

Michelle卫诗雅

三月底居然又举行婚礼

原来係佢叫埋啲亲朋好友

一起出席佢嘅中式婚宴

呢次中式party係非公开嘅

所以冇太多现场靓照流出

据闻Michelle嘅派头十足

穿靓靓裙褂仲有贵重首饰

之前佢晒出过大礼嘅照片

都睇得出佢先生落足本钱

难怪啲人话佢当晚

戴10对龙凤镯登场

金光闪闪羡煞旁人

▓▓▓▓▓▓▓▓▓▓▓░░░░努力加载中……

Michelle尽戴“黄金甲”

但风头却被另一位“诗雅”抢走

讲紧嘅係同佢friend到冇朋友嘅

陈家乐&太太连诗雅

喺Michelle嘅婚宴现场

陈家乐化身rock man

孭电吉他

为好朋友弹唱《活着VIVA》

因为唱到嗨晒

连诗雅仲忍唔住一起开声

现场气氛超燃

宾客个个都举起手机

记录低呢经典一幕

早前连诗雅有同卫诗雅透露过

陈家乐为咗呢个舞台花咗时间

好认真咁准备

睇得出佢哋之间嘅感情

非同小可

其实卫诗雅同陈家乐嘅感情

从佢一入公司就开始啦

至今已经维系咗17年之久

可以话深厚过连诗雅&陈家乐了

两人曾经一起捱穷

试过互相借钱度日

又试过互相扶持渡过难关

已经成为彼此嘅屋企人

前年陈家乐同连诗雅大婚

卫诗雅就穿起西装

做家乐嘅兄弟

今年到咗卫诗雅出嫁

家乐义不容辞咁做姊妹帮手

喺体贴嘅卫诗雅安排下

家乐唔使着姊妹裙

两人嘅情谊体现晒

//////////

有人就奇怪

点解连诗雅可以咁大方

接受陈家乐心里面

有一个感情咁深厚嘅异性

连诗雅就一于少理

沉浸喺卫诗雅婚礼嘅喜悦中

表示见证到佢哋嘅幸福

自己都觉得好开心

啱啱做咗妈咪嘅连诗雅

仲趁机催生

叫卫诗雅快啲生个小朋友

等囡囡星星可以有个伴添

睇得出两位诗雅嘅感情都好好

各自搵到属于自己嘅幸福

友情美好，婚姻甜蜜

大家係唔係都好羡慕

呢两对“神仙眷侣”咧

资料来源：微博、小红书等网络信息综合整理

编辑：郭   玮

一审：曾敏妍

二审：董华海

三审：骆   苹

【微店】羊晚文创线上商店

【邮政】中国邮政微邮局

【淘宝】羊晚生活馆

【小红书】Color班马

都可以买到《可乐生活》▼▼▼