《法證先鋒VI：倖存者的救贖》正在熱播中，書婷（傅嘉莉Kelly飾）丈夫喬偉斌（馬貫東飾）因心臟病發離世後，書婷擔起母兼父職責任獨力照顧兒子Alvin（許恩褀飾），作為喬偉斌生前老友的井浩然（袁偉豪飾），為方便照顧兩母子，安排他們遷進井家。

今晚（23日）播出的第十集，劇情講述書婷原本約定兒子Alvin參加學校親子運動會的二人三足比賽，惟重操故業當回珠寶設計師賺錢的書婷，因要鑑定「重要任務」藍寶石真偽而未能趕到學校，最後由「鬍鬚叔叔」井浩然頂上，即使勇奪冠軍寶座，Alvin仍然感到失望，更把獎牌掉進海裡去。最後書婷與Alvin到海傍散心，Alvin向媽咪打開心扉：「鬍鬚叔叔係鬍鬚叔叔，唔可以replace媽咪，你明唔明呀？冇咗爸爸之後，個個都可憐我，我都覺得唔開心，但係一見到你唔知點解開心番。」之後兩母子相擁，畫面溫馨又感人。

+8

這位7歲小演員許恩褀，英文名字跟劇中角色名一樣同為Alvin，現在就讀英基九龍小學。Alvin並非首次拍劇，曾參演《愛．回家之開心速遞》，但正劇是第一次。而電影方面，Alvin曾為「麥當勞叔叔之家」的微電影《在一起 才是家》拍攝；今年5、6月更首次登上大銀幕，參與電影《偵戰》拍攝，人仔細細己經縱橫視影壇！此外，Alvin為廣告界新寵兒，曾為政府宣傳片、食品、銀行、保險公司、服裝品牌、巴士公司、酒店、保健產品等拍攝廣告，相當駕勢！

Alvin媽媽Nancy受訪時指，Alvin就讀國際學校，因此中文水平相對較弱，看中文劇本最為困難；幸好每次過場轉機之間，導演、副導演及演員們都耐心跟他對戲練對白，才順利完成拍攝。Nancy續指Alvin在是次拍攝對白確實比以往多，作為媽媽的Nancy會在家以故事形式，把每一場戲都跟他解釋前因後果，不會讓他死背台詞：「因為我哋明白太過死背，演出嚟就唔夠自然同真實。事前都會同佢綵排一兩次，主要係引導佢進入角色，喺入邊理解心情同反應。」

至於可會支持囝囝繼續在演藝圈發展，Nancy認同Alvin擁有演戲天分，並大爆兒子鏡頭前後判若兩！她覺得Alvin接觸演戲後，有多方面的成長和進步：「囝囝參加咗唔同類型嘅拍攝後，發現佢好多方面都有進步，例如聆聽指引、專注力、記憶力，亦多咗團體合作嘅精神！喺不影響學業情況下，可以都畀機會佢嘗試唔同嘅演戲模式。大前提都要讀好書，若果長大後仍對演戲有興趣會繼續支持！」

Alvin飾演馬貫東兒子。

媽媽是傅嘉莉！

「鬍鬚叔叔」袁偉豪

Alvin最初被發掘演戲細胞，就是約兩年前為麥當勞叔叔之家《在一起 才是家》拍攝微電影，是Alvin首次真正接觸演戲。Nancy說：「佢擔任小主角，戲內佢要演不同程度嘅喊戲，微電影效果扣人心弦，獲得好多國際獎項。嗰次都係第一次拍喊戲，第一日完成之後，都怕佢喊得太厲害，會唔開心會瞓唔著，結果佢係完全鏡頭後就做番自己！」原來Alvin從來沒有上過劇戲課程，《法證先鋒6》是自薦申請與面試，能夠在眾人之中突圍而出，可見Alvin擁有其個人小魅力！

談到拍攝難忘點滴，Nancy透露有一天拍攝，因call time太早，加上在「鬍鬚叔叔」井sir家有一連串戲拍攝，最後一場講袁偉豪為Alvin搽蚊膏氹他睡覺，豈料鏡頭一轉Alvin秒速進睡，連袁偉豪都笑指「佢真係假戲真做」！

Alvin識捉國際象棋。

Alvin下個月晉級藍帶，加油呀！

Nancy更點名讚劇中演員親切又專業：「馬貫東為人好隨和，好照顧同埋好錫小朋友，初頭未咁熟，佢哋嘅對答都客客氣氣，但熟絡咗就玩到停唔到手！」續指傅嘉莉向她取經有關當媽和照顧小孩的心得：「其實喺化妝間嘅時候，傅嘉莉小姐不時會問我做媽媽同小朋友相處或者照顧之間嘅學問，拍攝過程入邊佢都好錫小朋友，我囝囝間唔中有鼻敏感，Kelly都唔怕污糟成日同佢抹鼻涕。」

而最印象深刻是袁偉豪，Nancy回想與Alvin、劇組等人一同乘車北上到深圳的第一天，袁偉豪主動跟他們打招呼，並公開自己快將為人父，可以互相交流湊仔經，續透露袁偉豪一個超窩心舉動：「記得有一場打邊爐，時間嘅關係啲嘢未熟，Alvin一cut就話粒魚蛋係凍，Ben哥即刻好緊張咁話『快啲吐出嚟！快啲去漱口！』見到佢真係一位新手爸爸，好緊張嘅樣子，好可愛！」

從Alvin的社交網站所見，其個性活潑好動又外向，不但喜歡打籃球、學跆拳道，並達到綠藍帶級別，下個月將晉級為藍帶；他還懂得彈鋼琴、下國際象棋，絕對是動靜皆宜。

+7

原來掉獎牌到海裡去的一場戲，對許恩褀其實甚有難度，因為現實中他知道行為不對，恩褀媽媽Nancy表示：「所以嗰場戲都試咗好多個take，現實生活中恩褀係乖乖仔，從小就訓練自理能力，偶然中都會鬧吓情緒。但鬧完情緒後佢知道，其實都係為佢好佢就會收番情緒。我哋屋企家庭都係好和諧相處，放假就會四周圍旅行，畀佢見識多啲。但戲入邊佢就冇咗爸爸，而要同一個陌生叔叔相處。現實生活中佢都係好錫屋企人，所以我哋收到呢份劇本時，畀他好多幻想空間，單身孩子嘅心情！」

近兩集許恩褀的戲份頗多，除了演技自然之外，其cutie外貌同樣深受觀眾喜愛，大讚可愛程度似足日本仔咁kawaii，小編隨即為這位小可愛起底！