近期《罗密欧与祝英台》

收视微微有提升

但口碑仍然两极分化

有人评係“最差台庆剧”

有人觉得剧情越睇越上瘾

呢部剧

背景确实有啲旧

但剧情反转再反战

都几令人出乎意料

近几集江美仪突然变奸

凶狠与柔软一秒转换

话你知乜係“视后”功力

与“御用奸角”郑子诚

组成“最奸组合”

两人齐齐反水

更俾评为“奸角教科书”

而呢部剧最大嘅反转

竟然喺陈茵媺身上

阔别9年后再次出山演戏

佢同老公剧外“锡”到剧内

今次摆脱甜妹形象

做咗一次女boss

女扮男装玩反串造型

其实喺之前嘅TVB剧集中

都有不少女扮男装嘅经典角色

好多造型成为剧集一大亮点

而呢次Aimee扮男装

同样成为话题中心

不过就係俾批造型太“赶客”

Aimee以前就算“假小子”形象

性格上都係温柔或俏皮

冇人抵挡得住佢嘅笑容

Aimee之前嘅角色

都係女装形象更入屋

啱啱回归屏幕

就尝试咁大胆新颖嘅角色

直接性别变为男人

难怪观众接受唔到

为咗更贴男仔样

Aimee从声音到动作都有调整

为咗打戏佢仲参加特训

学习开枪、拳脚等动作

中间甚至整亲条腰

//////

因为呢部剧剧情要求

好多演员都改变形象

剧中Kelly古佩玲

饰演“青年版”祝英台

都尝试咗不少第一次

第一次一人分饰两角

男装和女装扮相

风评却大相径庭

因为今次係Kelly

第一次拍动作戏

男装扮相嘅练枪场面

动作都唔係好流畅

马步扎得有啲奇怪

遭到网友群嘲

女装扮相係富家千金装

Kelly化身清冷白月光

靓到俾人怀疑整容

虽然剧中动作和扮相

唔算完美

但Kelly喺剧中嘅表现

总体都有进步

周嘉洛喺宣传嘅时候

亦赞佢“两个角色处理得好”

唔知係唔係受佢影响

周嘉洛转头就喺《爱回家》

大玩女装、扮成粉红芭比

//////

Kelly作为TVB新生代小花

事业正喺上升期

大家都以为佢会专心演戏

但佢近期竟然自爆话

有闪婚打算

吓到大家都以为佢“准备要嫁”

后来佢出面解释

话自己被曲解

只係想表示“结婚恋爱随缘”

睇来係玩笑开大咗

不过呢次

Kelly参加剧集宣传

仲係爆咗唔少“恋爱瓜”

因为剧中祝英台和梁山伯

少年时相识相恋

所以Kelly拍戏时

就需要谂翻18岁嘅恋爱

唔讲唔知道

原来佢真嘅有段校园初恋情

对方係篮球队嘅靓仔

又高又型令佢一见钟情

由高中玩到大学都冇表白

后来係男仔反过头来追佢

听落真係有现代版“梁祝”嘅感觉

怪唔得佢演千金时咁自然

不过Kelly又话

到咗依家自己择偶口味变咗

会更看重大家“三观”夹唔夹

睇两个人倾唔倾得来

唔知佢描述嘅

係唔係好似“风少”咁

体贴又合拍嘅男仔呢？

来源：可乐生活Color微信公众号

编辑：张子殷

审核：曾敏妍

签发：骆苹