9月嘅广州

依然处于高温状态喔

係时候

嚟翻杯冰凉嘅咖啡

清爽提下神啦

中意周围搵嘢饮嘅可乐君

近日发现咗两间特色cafe

既有“热浪”沙漠咖啡

又有“梦幻”水上金鱼咖啡

快啲mark低

一次过体验下“冰火两重天”啦

1、天台沙漠咖啡

开喺顺德春村工业园楼顶嘅

呢间沙漠主题咖啡厅

“淂失咖啡DESERT”

传闻用200万打造主题

最近成为热门嘅打卡点之一

咖啡厅设在五楼

大家可以开车去到门口嘅

一入门就见到大片沙漠造景

摆满形态各异嘅枯木

同多肉植物

为咗还原真实场景

更喺“沙漠”中间摆咗个观景泳池

水波同蓝色白云相呼应

一瞬间“置身”大自然

一应俱全嘅户外元素

搭配暖黄色调

摩洛哥沙漠大片轻松get

大家可以着上

长裙或者废土、机车风格

顺着吹来嘅阵阵凉风

摆翻两个chok爆嘅pose啦

P.S.提醒大家

店铺4点以后人会越来越多

如果想错峰影相

记得要早啲嚟啦

而且喺白天

呢度暴晒程度依然係五粒星

大家记得注意防晒啦！

2、梦幻金鱼世界

体验完“火”

我哋嚟到番禺市桥

一间“水世界”咖啡店

“SOSOL COFFEE日咖夜酒”

一踏入店内

抬头望到波光粼粼嘅

透明鱼缸天花板

金鱼喺头顶游来游去

喺阳光嘅照射下

透过水面洒下层层光影

随手一影

搭配呢个“动态水墨画”

秒get一个超梦幻场景

当你坐喺店内饮啡

仿佛时间都慢咗半拍噶

喺金鱼池区域嘅另一边

有摆满黑胶同唱片嘅

复古风格墙

喺咁怀旧嘅氛围里面

令人不自觉放低心中烦闷

回味过去嘅美好时光

店内有“十二星座”系列咖啡

唔同星座都有对应嘅

代表色同味道

大家可以根据

自己嘅喜好嚟选择

Well~

“冰火两重天”体验完

唔知大家更like边个咧？

大家仲有咩

特色嘅咖啡店推荐

欢迎喺评论区同我哋下啦~

图片：黄译萱

编辑：饶   禧

一审：曾敏妍

二审：董华海

三审：骆   苹