三位“应届”港姐

郭珮文、庄子璇、王怡然

早前聚餐食贺年菜

呢次都係佢哋三人

喺新年首次相聚

呢三位港姐一向话题多多

今次就向大家透露咗

自己未来嘅发展方向

身材傲人嘅郭珮文

上位速度好似搭火箭咁

出镜频率已经超“师姐”

佢上年同Bosco搭戏

台庆又中咗大奖

近期更加入《爱回家》

可谓风光无限

被笑“天然呆”嘅佢

今年除咗想提升演技

仲想挑战做主持

而另外两位港姐

就一直“是非缠身”

庄子璇被传受同届港姐排挤

王怡然嘅负面新闻搞出大头佛

佢哋两个都表示

今年自己唔急于拍剧

因为自己仲未准备好

庄子璇虽然係港姐冠军

但直言对自己上年嘅

满意度仲係“争啲”

原来港大在读嘅佢

参选港姐后耽误了学业

今年毕业都成问题

所以佢要更加专注学习

王怡然上年

都冇在影视上露面

今年佢首要任务係

操fit啲广东话

呢次三人一齐聚餐

菜式就够嗮丰盛啦

味味菜肴寓意好又够足料

不过都比唔过

郭珮文屋企嘅年夜饭

佢话成家人都好为食

每围台有20-30道菜

咁丰盛嘅年夜饭

可能会有好多食物食唔嗮

唔打包会好浪费

打包咗又可能塞冰箱

我哋不如用呢啲食材

返挞一下整成新菜式啦！

年初四接灶神

下面推荐嘅三道加餐小美味

食材简单又易煮

应对朋友上门都绰绰有余

01

白饭加奶变布丁

甜蜜日子点可以少咗甜品

咪以为制作甜品都要

工序多多、耗时多多

有啲甜品其实好简单

特别係中意甜食

又怕甜过头嘅人

可以试下以下呢款

做法简单、糖度可控嘅

米布丁

食材劲简单

有米饭、牛奶就可以开工了

口感正到令你意想不到

02

肉菜加蛋变蛋饼

“一镬熟”嘅菜肴又有新做法

加多一个鸡蛋打底

就可以变成

意式烘蛋frittata

呢个係一款经典嘅意大利菜

出锅时睇落好似披萨饼

其实佢嘅口感同蛋饼好似

你只要把

番茄、口蘑等蔬菜

猪肉、鸡肉等肉类

切丁炒熟再加入蛋液

就可以轻松凹出

居家食brunch嘅松弛感

03

酸奶做酱拌沙律

吃希腊酸奶好健康

但佢嘅包装通常係好大一罐

味道淡、保质期又短

每次都好似食唔完

其实佢可以用来代替沙律酱

制作酸奶土豆沙律

酸奶会令土豆变得丝滑

加入鸡蛋与培根丰富口感

整出来嘅沙拉好适合摆盘

大家会以为你去咗西餐厅

畀你足够仪式感

大年初四接灶神啦

希望大家来年

风调雨顺、丰衣足食

记得持续关注《可乐生活》啦

来源：可乐生活Color微信公众号

编辑：张子殷

审核：曾敏妍

签发：骆苹