《法證先鋒VI：倖存者的救贖》（下簡稱《法證先鋒6》飾演霍寶英（王敏奕飾）細佬寶樂的馮皓揚Mason值得大家留意，憑電影《媽媽的神奇小子》的蘇樺偉一角勇奪金像獎「最佳男配角」的Mason，這次再度挑戰演技飾演自閉症患者寶樂，寶樂在劇中除了在家中也是長時間穿着整齊恤衫及西褲、說話時不愛望人、對食物順序及數字有偏執要求及堅持外，還擅長記一大堆資料及數字，亦是一名電腦專家，昨晚一集寶樂便憑藉自身的專業及技巧，協助星柏破解沙井腐屍案。

問到首度參演電視劇的Mason，覺得蘇樺偉及霍寶樂哪個角色較難拿捏，Manson笑言每個角色對他來說都是獨特的，故不會刻意比較：「每個角色都係獨特嘅，都一定有自己嘅節奏同習慣。而要去摸清楚一個有自閉症嘅角色，我認為最花功夫係要了解佢嘅思維模式，因為睇嘢嘅角度可以同一般人好唔同，以霍寶樂為例，好多時候睇嘢唔會以感性行先，會以呢件事嘅正當性去衡量，係一個有正義感嘅人。」他又坦承由於自己患有亞氏保加症，故對寶樂這個角色易有共鳴：「我唔太擅長社交，霍寶樂同樣、甚至比我更加不擅長，所以一定程度上都會有少少共鳴。」他又笑言由於角色在劇中與黃宗澤溝通有一定限制，故曾很擔心被對方誤以為是「怕醜仔」，相當搞笑。