前排邓佩仪Gloria宣布自己

攞到毕业证并继续留喺海外

好多人都好可惜

“TVB又少个靓女”啦

最近佢突然

化身歌手发新歌喔

虽然係翻唱韦礼安嘅《如果可以》

但有唱出自己独特的感情

令网友好惊喜

除此之外

Gloria仲好大手笔拍MV

仲请韩国靓男做男主角

片中两人互动默契

对视、背靠背、吹泡泡

粉红泡泡氛围感拉满

犹如一对真实情侣咁

据悉男方专长係写歌

二人外形相衬、互动自然

大家都差啲以为

佢哋要官宣恋情咯

其实今次嘅大片

係Gloria特意喺生日月

为粉丝准备嘅惊喜嚟噶

一直宠粉嘅Gloria

今次真係几用心喔

//////

MV一发出嚟

圈中唔少朋友都点赞鼓励

“莉莉”谭嘉仪都有份留言话：

“好用心嘅制作，正！”

话说呢

自从《降魔的》拍过档之后

佢哋两个就经常一起演出

喺《流行经典50年》节目里面

齐齐唱跳《隆重登场》

热辣劲舞好流畅

唱歌一啲都唔喘噶

虽然Gloria唔拍剧

但平时中意唱歌嘅佢

今次又出歌又拍MV

唔通真係想往音乐方面发展？

有网友就大胆dream佢

想学谭嘉仪咁客串剧集歌曲

然后顺便做埋“OST女王”~

~well~

佢在海外生活

一直都keep住分享自己生活噶

心情望落都唔错

希望佢可以一直做

自己钟意的事啦！

来源：可乐生活Color微信公众号

编辑：张子殷

审核：曾敏妍

签发：骆苹